[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’12 ka mga balay nasunog’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Totally damaged ang lima ka mga balay samtang parsyal naman nga nahalitan ang pito ka iban pa sa nagluntad nga sunog sa Barangay Zamora-Milleza, City Proper alas-9:30 sang aga kahapon.
Sa rekord sang Bureau of Fire Protection (BFP), ang totally damaged nga mga balay amo ang kanday:
*Joseph Casten
*Dolores Magbanua
*Mitchelle Mirasol
*Corazon Serra, kag
*Shirley Mirasol
Parsyal naman nga nahalitan ang mga balay nanday:
*Niño Dequina
*Genevie Alejandro
*Teresita Lozado
*Nora Olmedo
*Manuel laure
*Russel Mella, kag
*Renee Rose Manzano.
Sandig sa rekord, naglab-ot sa balor nga P500,00 ang kahalitan sang sunog nga alas-10:10 na sang aga sang na-deklarar nga fire-out sang mga katapo sang bombero.
Ginatudlo naman sang pila ka mga residente nga nagsugod ang kalayo sa balay ni M. Mirasol kag bangod nga human sa light materials kag naga-ipingay lamang ang pamalay, madasig nga naglapta ang kalayo.
May alegasyon man nga indi sa balay ni M. Mirasol naghalin ang kalayo pero padayun pa ini nga gina-imbestigaran sang Bureau of Fire Protection.
Sa pihak nga bahin, nagpasalig ang City Social Welfare and Development Office (CSWDO) nga mahatag sila sang bulig sa mga nasunogan.
“Napabalo naman namon si Sir Fred Villanueva nga may sunog diri. Ang mabulig sang amon opisina amo ang paghatag sang goods like sang bugas kag relief goods. Kag sila temporarily dira sila ibutang sa gym,” siling ni Erna Magdaluyo, empleyado sang CSWDO.
Luwas sa relief goods, makabaton man sang P5,000 nga kwarta ang may totally damaged nga balay samtang P2,500 naman para sa parsyal nga nahalitan./PB
[/av_textblock]
[/av_one_full]
