[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (Sanofi) – Dec. 12′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
To be fair kay former Health Secretary Garin
TO be fair kay former Health Secretary Janette Garin (M.D), ginapanindugan sini nga wala sing warning halin sa Sanofi Pasteur nga ang dengue vaccine nga Dengvaxia nagadala sing seryoso nga risgo sa mga kabataan nga wala pa kaagi sang dengue.
Gintudlo pa gani ni Garin ang pahayag sang nagligad lang nga semana sang Sanofi mismo nga may “severe reaction” gali ang paggamit sang vaccine sa sining mga kabataan.
Of course, kon ano gid man ka matuod ang ining pahayag ni Garin kag iban pa nga isyu ginapa-imbestigahan na ini sang Senado.
Ginbakal sang gobyerno ang Dengvaxia – nga sobra sa isa ka milyon ka vials – sadtong 2015 sa balor nga P3.5 ka bilyon. Ginpatuman na ini sa masunod nga tuig, 2016, sa National Capital Region, Region 3, kag Calabarzon.
Kon wala gid man kahibalo si Garin sa sining problema sa Dengvaxia posible nga indi naton siya mabasol.
Ugaling, kon may negligence siya, siya kag kon sin-o man ang may kahilabtanan sa pagpatigayon kag paggamit sining Dengvaxia, puede gid sila manabat.
Gin-aku sang Department of Health nga mga sobra 700,000 na ka kabataan ang nabakunahan sadtong Nobyembre 2016 sang Health Secretary pa si Garin.
Kon mapamatud-an man nga ginlikom ini nga peligro sang Sanofi sa mga tinugyanan sang goberno sadtong ginbaligya ining Dengvaxia, daku man ang kasal-anan sini nga puede ini manabat, labi na gid kon may matabo sa mga kabataan sa ila pasalig nga effective kag safe ini gamiton.
Ang Dengvaxia ginpanugyan sang Sanofi nga gamiton sa tatlo ka dose sa bal-ot nga anom ka bulan, sa may edad 9 tubtub 45.
Ugaling, sa ulihi sini nga pahayag may “serious reaction” gali ini kon ihatag sa wala pa kaagi sang balatian nga dengue, nga ang epekto sini bantayan pa gani sa sulod sang 5 tubtub 6 ka tuig.
Makakilibut ini nga pahayag sang Sanofi samtang padayon pa gali ang ila pagtuon sa dengue vaccine, nga nagdala na sang kakugmat sa mga ginikanan kag mga health authorities diri sa Pilipinas.
Mga 20 anyos na kuno ang pagtuon sa Dengvaxia sang Sanofi bag-o na-lisensyahan ini sa paggamit sini kontra sa mamamatay nga dengue nga may apat ka type ukon strain nga natukiban man sa Pilipinas.
-0-0-0-
Ang dengue, sa pagkilala mismo sang mga health authorities, wala sing bulong. Kag ang pihu nga pag-kontrol sini amo gid lang ang paagi sa bakuna.
Sa nahibal-an ta na, ang pagpabakuna makahatag sang immunity, ukon pagpangamlig, sa balatian bag-o pa iguon ang isa ka tawo.
Ginahimo ang mga vaccine sa mga laboratoryo paagi sa paggamit sang mga patay (dead) ukon maluya (weakened) nga mga mikrobyo agud maka-producir sang immunity response ang lawas sang tawo batok sa balatian nga tugaon sini.
Sa masami, ang reaction sang pagpa-bakuna indi gid man makatulublag. Kon kis-a hilanat man lang sa isa ukon duha ka adlaw nga puede mabulong sang baratuhon nga paracetamol.
Kon kis-a ugaling, ang ginpaluya nga mikrobyo makadala gihapon sang mas makatulublag ukon “serious reaction”, katulad sa sining gina-claim sang Sanofi sa Dengvaxia batok sa mga pasyente nga wala pa gid kaagi sing dengue.
Sa gin-aku mismo sang Sanofi, ining “serious reaction” sang dengue vaccine puede maglakip sang pagnubo sang platelet count, bleeding (katulad sang pagdugo sa ilong) kag pagpa-ospital na sang pasyente nga pareho lang naka-eksperyensya man ang pasyente sang balatian nga dengue.
-0-0-0-
Ginapanindugan man ugaling sang Sanofi nga bisan may “severe reaction” ining vaccine, indi man kuno makapatay ini sang pasyente.
Ayhan? Well, ang Department of Health sang sini lang nagpahayag nga sugod sadtong pagpabakuna sang mga kabataan (laban mga Grade 4 ini) sadtong Nobyembre 2016 wala pa man sing may nabalita nga napatay.
Samtang, ang India sa diin ang dengue may pinakadamo nga kaso sa kalibutan, nagpamalibad sa pagpamatuod sang claim sang Sanofi sang effectivity kag safety sang Dengvaxia.
Sumugod pa sang 2015 tubtub sining 2017 ang ining pagpamalibad sang India nga aprubahan ang paggamit sang Dengvaxia sa ila pungsod.
Para sa health authorities sa India indi pa suficiente ang pagpamatuod sang Sanofi agud mapaseguro ang effectivity kag safety sang paggamit sini sa ila pungsod. #
[/av_textblock]
[/av_one_full]
