[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’1,449 ka pamilya apektado sang baha sa WV’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagdangat sa 1,449 ka mga pamilya ukon 6,107 ka mga persona gikan sa 62 ka mga barangay sa Western Visayas (WV) ang apektado sang pagbaha kasunod sang pagwaswas sang bagyo “Agaton” sadtong Martes.
Sa datus sang Department of Social Welfare and Development (DSWD) 6 tubtob alas-11:30 sang aga kahapon, yara sa 1,449 ka mga pamilya ang apektado sang baha kasunod sang pag-ulan-ulan humalin pa sadtong Domingo kadungan sang pagsulod sang “Agaton” sa pila ka mga probinsya sang Mindanao kag Visayas.
Ini man ang rason kon ngaa ginpaidalom sang Philippine Atmospheric, Geophysical and Astronomical Services Administration sang Martes sa storm signal no. 1 ang southern Iloilo, southern Antique kag Negros Occidental.
Base man sa rekord sang DSWD-6, ang 1,449 ka mga pamilya ang gikan sa mga probinsya sang Aklan, Capiz kag Iloilo. Sa nasambit nga numero, 945 ka mga pamilya ukon 4,117 ka mga persona ang yara sa evacuation centers.
Nagpasalig man si Rebecca Geamala, regional director sang DSWD-6, nga nakahanda sila sa pagbulig sa mga kabanwahanan kon kinahanglan ang ila bulig bangodnga may nakahanda na sila nga 18,000 ka mga family food packs.
Sa pinaka-ulihi naman nga report sang Police Regional Office 6 alas-sais sang aga kahapon, may 89 ka mga pasahero kag walo ka mga salakyan nga stranded sa nagkalain-lain nga mga Puerto sa rehiyon.
Duha man ka balay ang inisyal nga nahalitan bangod sang pagbaha Syudad sang Victorias, Negros Occidental kag sa Antique.
Narekord man sang PRO-6 ang apat ka mga nasamaran sa Antique samtang nagluntad naman ang landslide sa Libacao, Aklan./PB
[/av_textblock]
[/av_one_full]