[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka sakada ginbunu-patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang duha ka sakada halin sa probinsya sang Antique sang ginbunu sang mag-utod sa Hacienda Jovillanos, Barangay Cansilayan, Murcia, Negros Occidental mga alas-dos sang Domingo sang hapon.
Ginkilala ni Senior Inspector Lawrence Gerard Bathan, hepe sang Murcia PNP, ang mga biktima nga sanday Apolinario Nietes, 40, kag Genebert Padrillan, 19, lunsay tumandok sang Brgy. Hatay-Hatay, Bugasong, Antique.
May igu sa dughan si Nietes samtang sa iya naman pus-on napilasan si Pardillan. Gindala pa sila sa Bacolod Adventist Medical Center sa Syudad sang Bacolod apang ginlawag dead-on-arrival.
Gintudlo naman nga mga suspek ang mag-utod nga Jonathan Paguntalan kag iya manghod nga si Emilio, 23, nga mga taga-Purok Bataan, Brgy. Mailum, Syudad sang Bago.
Sunu sa imbestigasyon sang pulis kag base sa nakakita sa insidente, nagapanuweldo ang kontraktor nga si Mebel Yee nga taga-Iloilo sang mag-abot ang mag-utod sakay sa habal-habal nga ginamaneho ni Wilson Tesalona.
Sunu sa pahayag, nagkadto ang mag-utod bangod masukot man sila sang ila gin-obrahan bangod ini sila ang nag-sub-contract kay Yee sang wala pa mag-abot ang mga sakada nga gikan sa Antique.
May paglalisay nga nagluntad sa tunga ni Yee kag ni Jonathan kon sa diin sang ulihi ginli-ab sang bana ni Yee si Jonathan kag gintiklod.
Pagkakita sini ni Emilio, ginpalapitan niya ang iya magulang samtang ang mga sakada naman nagpalapit sa tuyo kontani sila nga punggan. Apang may dala gali nga kutsilyo ang mag-utod kag ginpangbunu nila ang bisan sin-o lang sa mga sakada.
Sunu pa gid sa pahayag, ang duha ka biktima nagapungko lang sa idalom sang indian mango sang ginbunu ni Emilio si Pardillan samtang si Jonathan naman ang nagbunu kay Nietes.
Gindakop naman sang kapulisan si Tesalona apang nagpangiwala ini nga upod sia sang mga biktima. Siling niya nga nag-drive lang sia sa mag-utod.
Priso na karon si Tesalona sa Murcia PNP samtang gina-ayam pa ang mag-utod nga Paguntalan./PB
[/av_textblock]
[/av_one_full]
