[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka tanod gintiro-patay sang CAFGU’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Wednesday, May 31, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang duha ka tanod sang Barangay Canlusong, EB Magalona, Negros Occidental sang gintiro sang katapo sang Civilian Armed Forces Geographical Unit (CAFGU) mga alas-12:30 kahapon sang kaagahon.
Ginkilala ni Senior Inspector Bonifacio Aral, hepe sang EB Magalona PNP, ang mga biktima nga sanday Armado Labto kag Aurelio Bindol, lunsay legal ang edad.
May mga pilas sa ila lawas ang duha ka biktima gikan sa M14 rifle. Dali-dali pa sila nga gindala sa Teresita Jalandoni Provincial Hospital sa Syudad sang Silay apang ginlawag dead-on-arrival.
Sunu pa kay Aral nga ang suspek nakilala naman kay Reynante Villarosa, legal ang edad kag naga-istar sa Purok Riverside, Brgy. San Isidro. Off duty ini sang natabo ang krimen.
Base sa imbestigasyon sang kapulisan, may ginamo nga nagluntad sa mga hubog sa diin isa diri ang suspek kag gintambagan sila sang duha ka tanod.
Matapos naman nga na-areglo ang gumontang, nag-gwa ang duha ka tanod kag nagkadto sa tiangge. Samtang ang suspek naman nagkadto sa ila detachment kag nagkuha sang M14 kag sang nagbalik, ginpangtiro niya ang mga biktima, sunu pa kay Aral.
Gilayon man nga nalagyo ang suspek kag samtang ginasulat ini nga balita, ara na kuno ini sa ila detachment sa Brgy. Canlusong kag ginahanda nga pasungkaon sang iya superior./PB
[/av_textblock]
[/av_one_full]
