[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka tawo nasapwan patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus MN. Garde
[/av_heading]
[av_textblock size=” font_color=” color=”]
Syudad sang BACOLOD – Patay na sang nasapwan ang duha ka lalaki sa tuhay nga duog sa probinsya sang Negros Occidental sang Martes.
Sa banwa sang Hinobaan, ginkilala ang biktima nga si Edwin Alvarez Duro, 56, may asawa kag naga-istar sa Sitio Mindoro, Brgy. San Rafael sa amo nga banwa.
Sunu kay barangay kapitan Rolando Cabansag, ginpahibalo lang sia ni Joebert Romano, 50, sang Sitio Tayuman sang amo man nga barangay nga si Duro sa iya balay nagtulog bangod sa pangabay sang biktima nga hubog kag indi na makapuli sadtong Lunes sang gab-i.
Dugang ni Romano nga gintugtan man niya ang biktima. Pagkaaga sang Martes nagbangon ang kapitan agud magkadto sa iya uma kag nagbalik mga alas-6:30 sang aga.
Diri na kag gin-agda niya ang biktima nga mangape apang wala na ini nagahulag. Ginpatihan ni Romano nga gin-cardiac arrest ini.
Sa Toboso naman, ang biktima ginkilala nga si Roberto Dacumos Salili, 58, kag residente sang Sitio Winaswasan, Brgy. Bandila sang amo nga banwa.
Sandig sa report sang Toboso PNP, nasapwan ang biktima nga may madamo nga pilas sang pagbunu sa lawas. Wala naman makilala ang nagbunu sa iya, sunu sa pulis.
Sunu naman sa bata sang biktima nga si Reagan, naghalin ang iya amay mga ala-una sa hapon sang Lunes agud magpahalab karabaw apang wala na makabalik./PB
[/av_textblock]
[/av_one_full]
