3 ka Ceres bus ginhalitan kadungan sang strike

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’3 ka Ceres bus ginhalitan kadungan sang strike’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=’custom’ color=’#0a0a0a’]
Tuesday, February 28, 2017
[/av_textblock]

[av_textblock size=” font_color=’custom’ color=’#0a0a0a’]

Syudad sang ILOILO – Kadungan sang ginkasar nga strike ukon untat-biyahe kahapon, tatlo ka mga Ceres bus sang Vallacar Transit Inc. ang ginhalitan sang wala makilal-an nga mga persona.

Sunu kay Chief Inspector Jonnah Galicha, hepe sang Janiuay Municipal Police Station, nagreklamo sa ila presinto ang tatlo ka mga drayber sang Vallacar Transit Inc. nga ginhalitan sila samtang nagabiyahe sa dalanon.

Ang una nga insidente nagluntad sa Brgy. Patong-patong, Janiuay alas-cuatro sang kaagahon kon sa diin ginhaboyan sang bato ang windshield sang Ceres bus nga halin sa Calinog kag mapadulong na kontani sa syudad

Pag-abot sang alas-6:20 sang aga, nagreklamo man ang isa ka drayber sang Ceres bus nga may biyahe nga Roxas City-Iloilo City and vice versa matapos nga ginbuslotan ang ila rueda sa Poblacion, Janiuay.

Ang ulihi naman nga insidente nagluntad alas-7:20 sang aga sa gwa sang terminal sang de-pasahero nga mga dyep sa Poblacion, Janiuay.

Sunu sa konduktor nga si alyas Jake, nagkuha gid lamang sila sang pasahero sa istasyon sang bus sa Janiuay sang gulpiyada lamang naglupok ang ila rueda.

“Nag-abot kami sa terminal sang Janiuay, may nagpara sa akon nga pasahero nga masakay sila, ti ginbuksan namon ang puerta. Tapos may isa ka lalaki nga camouflage sa sulod nga naghambal nga bawal na di gani mag-pick-up sang pasahero sa crossing, kadungol gid sa inyo tapos may ginduhol sia sa akon nga terminal fee. Pagsaka na namon, nag-abante kami, dugay-dugay nagsirit na goma namon,” panaysayon pa sini.

Bangod sini, ginhugtan sang mga pulis ang giapatuman nga seguridad sa mga dalanon sa Janiuay kahapon para malikawan nga masulit ang insidente./PB

 

[/av_textblock]

[/av_one_full]

LEAVE A REPLY

Please enter your comment!
Please enter your name here