[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka durogista dakop sa Negros’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Wednesday, June 21, 2017
[/av_textblock]
[av_textblock size=” font_color=” color=”]
Syudad sang BACOLOD – Arestado ang tatlo ka ginapasuni mga durogista sa separado nga buy-bust operation sa mga syudad sang Escalante kag Sagay sa Negros Occidental sang Lunes.
Sa Escalante, ginkilala ni Chief Inspector Rollie Pondevilla, hepe sang Escalante City PNP, ang suspek nga si Eliezer Encarquez, 30, may asawa kag taga-Sitio Linao 2, Brgy. Balintawak.
Nakuha sa iya paghinakop ang duha ka heat sealed sachets sang ginapasuni shabu lakip ang buy-bust item nga balor P500, cellphone kag P300 nga kwarta.
Sa syudad naman sang Sagay, nadakpan ang mag-utod sang Sagay City PNP sa pagpamuno ni Senior Inspector Ellendie Rebusquillo, deputy police chief, sa nabukid nga parte sang Purok Handumon, Brgy. Bato.
Ginkilala ang mga suspek nga sanday Joerge Dejaro alyas Joerge, 38, soltero, kag Juvin Dejaro, 42, may asawa, lunsay residente sang Purok Handumon, Brgy. Bato.
Nakumpiskar sa ila ang tatlo ka gagmay nga pinutos sa plastik sang ginapasuni shabu, lakip ang P300 nga marked money kag isa ka daku nga ginputos sa plastik nga gina-alegar shabu.
Priso na subong ang tatlo ka mga arestado kag nagapangatubang sang kaso nga paglubag sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
