[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 KA MANOGKILKIL ARESTADO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Na-aresto ang tatlo ka gina-alegar mga manogkilkil sa ginkasar nga entrapment operation sang Criminal Investigation and Detection Group (CIDG) 6 sa Barangay Aganan, Pavia, Iloilo alas-7:30 sang gab-i sang Miyerkoles.
Sandig sa rekord sang Pavia PNP, subject sa operasyon sang CIDG-6 sa pagpanguna ni Supt. Julius Jacinto si Marty John Jose y Bileña, 23, residente sang Brgy. Tamuan II, Janiuay, Iloilo.
Upod man nga nadakpan ni Jose ang kahimbon niya nga sanday Omar Calar kag Julie Ann Durez bangod sa kaso nga robbery ukon extortion.
Nakumpiskar man kay Jose ang super .38 nga may isa ka magazine nga may anum ka mga bala, .38 caliber revolver kag mga bala sini, isa ka granada, kag boodle money nga P1 milyon.
Pero nakapalagyo naman ang iban pa nila nga mga kaupdanan matapos nga namutikan nila ang mga otoridad nga nagapalapit sa gina-istaran nila nga balay.
Samtang nagapalagyo naman, nagpalupok ang mga ini nga nagresulta sa pagkasamad sang isa ka istambay nga si Noel Alayon nga gindala man gilayon sa Western Visayas Medical Center.
Nadiskubrehan nga modus sang grupo ni Jose nga mangkilkil sa mga negosyante nga nagabaligya sang mga panakot para sa paghimu sang tinapay sa De Leon St., City Proper rason nga gin-subject sila sa entrapment operation.
Samtang ginasulat ini ngabalita, si Jose kag ang duha niya ka upod nahunong na sa karsel sang CIDG-6 kag natalana kasohan sang extortion ukon robbery hold-up kag paghupot sang mga pusil nga indi lisensyado./PB
[/av_textblock]
[/av_one_full]
