[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’38 PATAY SA RESORTS WORLD MANILA ATTACK’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Saturday, June 3, 2017
[/av_textblock]
[av_textblock size=” font_color=” color=”]
Naglab-ot na sa 38 ka mga persona ang napatay lakip na ang gunman sa pag-atake sini sa Resorts World Manila sa Syudad sang Pasay sang Biyernes sang kaagahon.
Ginkumpirmar ini ni National Capital Region Police Chief Oscar Albayalde kagab-i. Sunu pa sa iya nga ang bangkay sang gunman nasapwan sa ikalima nga panalgan sang Maxim’s Hotel.
Base naman sa ginpagwa nga listahan sang Resorts World Manila, yari ang inisyal nga mga pangalan sang nagkalamatay:
Mga empleyado:
1. Hazel Yangco
2. Jellah Ramos
3. Melvin Herrera
4. Arvi Gavino
5. BJ Pagsibigan
6. Rojie S. Uy
7. Jessica Alindogan
8. Merylle Gwen Ala
9. Lea Grace Mozo
10. Loudette Santos
11. Kay Nuguerra; kag duha ka iban pa nga wala makilala.
Mga bisita:
1. Caccam Katherine Cervantes
2. P Ling Hung Lee
3. Pacita Guillermo Comquilla
4. Pomenciano Vargas Jr
5. Susan Abulencia
6. Lai Wei Chung
7. Jaime Gaboy Jr
8. Ariel Abrogar
9. Lai Yu Cheeh
10. Cliff Reyneira
11. Rolando Pena Sison
12. Eluterio Reyes
13. Antonina Yuzon Alanigue
14. Sheilla Malicse
15. Carmelita Taylo Delacruz
16. Mielle Oliveros
17. Pamela Silvestre
18. Elizabeth Gonzales, asawa ni Pampanga 3rd district Rep. Aurelio “Dong” Gonzales; kag apat ka iban pa nga wala makilala.
Nasapwan ang mga bangkay sa ikaduha kag ikatatlo nga panalgan sang casino kon sa diin naka-carpet ang salog kag madali masunog ang mga lamesa kag pulongkoan.
Wala man sang bisan isa ka biktima ang nakaagom sang pilas tuga sang pagkaluthang, sa baylo ang ila kamatayon dala sang pagka-suffocate bangod sang madamol nga aso.
Indi naman magnubo sa 54 ka mga persona ang nasamaran kag ginpangdala sa mga ospital lakip na ang gwardiya nga aksidente nga natirohan ang kaugalingon.
Ginklaro naman ni Philippine National Police chief Director General Ronald dela Rosa nga isahanon lang ang gunman nga naghimu sang krimen baliskad sa ginhambal sang testigo nga grupo sang armado nga kalalakinhan.
Angut sini, nagpabutyag ang mga opisyales sang casino sang kasubo sa natabo kag ginlaragway pa ini nga “cowardly act of a deranged mind.”
ALEGASYON SANG ISIS, WALA GINSAPAK
Sa pihak nga bahin, wala ginsapak sang Armed Forces of the Philippines (AFP) ang alegasyon sang Islamic State nga “Filipino operative” ang responsable sa pag-atake sa Resorts World Manila.
“You must know by now that the organization will claim anything, left and right, whatever it is. Miski may natalisod dyan ike-claim nila,” hambal ni AFP spokesperson Brig. Gen. Restituto Padilla kag gindugang, “[Pagdating sa] credibility ba pagkakatiwalaan mo [sila]?”
Para naman kay Albayalde, “mentally disturbed” ang gunman.
“Apparently he is mentally disturbed. Nakita naman natin, that’s why we could not relate it to terrorism,” hambal ni Albayalde sa press briefing sa Malakanyang.
“If he is a terrorist, he [should be] bringing with him tons of bombs. Why would he not shoot everybody there and detonate himself?” dugang sini.
SIN-O ANG GUNMAN?
Tubtob subong, wala pa makilala ang gunman nga ginalaragway sang mga testigo nga Caucasian-looking.
Wala man ginadula sang mga otoridad ang posibilidad nga ang gunman isa sa masami nga mga nagahampang sa casino kag napierde sang daku rason nga nagbalos ini paagi sa tuyo nga pagkawat sang P113 milyon nga balor sang casino ships.
WALA TERROR THREAT SA MANILA
Samtang, gindula man ni Albayalde ang kahangawa sang publiko nga target sang mga terorista ang capital sang pungsod.
Una man nga ginhambal sang Malakanyang nga wala sang labot sa terorismo ang natabo kag wala man sang labot sa krisis sa Marawi.
“Maganda ang prevailing peace and order dito sa Metro Manila. We have not monitored any threat [of] terrorism dito sa Metro Manila and while wala naman tayong namo-monitor na threat, hindi tayo pwedeng mag-relax,” hambal ni Albayalde./PB
[/av_textblock]
[/av_one_full]
