[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 minor de edad ginalukdo problema sa nabun-an nga amay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Ospital na ang gintulogan sang apat ka minor de edad nga kabataan nga naga-edad lima tubtob11 ka tuig matapos nga nabun-an ang ila amay sa patyo sang Mandurriao ala-1:30 sang kaagahon kahapon.
Ang mga kabataan man mismo ang nagdala sa ila amay sa ospital sa bulig sang ila kaingod balay nga si alyas Inday matapos magwagay ang tina-e sini tuga sang pagkabunu.
Ginkilala ang biktima kay Arsenio Misamis, 50, tumandok sang Maasin, Iloilo apang nagapuyo na karon malapit sa patyo sang Mandurriao.
Sa imbestigasyon sang Mandurriao PNP, upod ni Misamis sa pag-inom ang suspek nga si Rodrigo Quidato, 22, kag caretaker sang patyo. Ginatan-aw nga hinubog ang rason kon ngaa nabun-an sa tiyan ni Quidato si Misamis.
Bangod gin-abandonar na sang asawa, si Misamis na ang nagabuhi sa ila apat ka magagmay nga kabataan.
“Kaagahon nanuktok sila sa balay. Ayawan pa kami bantay sang salakyan kay wala da may nagalabay kon kaagahon,” pahayag ni Inday.
Bangod wala na sang iloy, ang apat ka kabataan karon ang nagabantay sa ila amay nga ara sa kritikal nga sitwasyon sa Western Visayas Medical Center sa Mandurriao. Ginapahayag nga ginbayaan sang iloy ang kabataan agud mag-upod sa iban nga lalaki.
Nakita naman ang mga kabataan nga nagatulog sa gwa sang ospital samtang ginahulat ang pag-ayo sang ila amay. Kag problema sa karon ang galastuhon sa ospital kag pagkaon sang kabataan./PB
[/av_textblock]
[/av_one_full]
