[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’5 ka balay nasunog’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Totally damaged ang lima ka mga balay kag tatlo naman ang parsyal nga nahalitan sa nagluntad nga sunog sa Zone 6, Barangay Boulevard, Molo sadtong Domingo sang hapon.
Ang mga balay nga totally damaged ginapanag-iyahan nanday Norwel Gapasinao, Julie Piad, Daniel Confesor, Mario Baco, kag Letecia Baco nga amo ang ginapatihan ginhalinan sang sunog.
Lakip naman sa mga parsyal nga nasunog amo ang mga balay nanday Alexander Derojo, Alejandra Dayaday kag Fernando Acuyado.
Sandig sa report sang Bureau of Fire Protection (BFP) sandig man sa mga testigo, gulpi lang nag-ibwal ang kalayo sa balay ni L. Baco nga human sa light materials kag madasig nga naglaton ang kalayo sa kaiping nga kabalayan.
Nasamaran naman sa sunog sanday Rolando Medina, Alan Javelin kag RM Abarjento samtang na-koryente si Jaime Balmatero nga ginpangdala gilayon sa ospital.
Sa pagbanta sang BFP, naglab-ot sa P500,000 ang balor sang halit sang sunog.
Samtang, sa interbyu sang mga katapo sang media, gin-aku ni L. Baco nga ilegal sila nga naga-angut sa linya sang Panay Electric Company (PECO). Dugang pa sini nga ang iya bata nga si Jovy Baco naga-angut man sa linya sang PECO.
Sunu pa sa iya nga naga-angut sila sa PECO bisan ilegal bangod nga madulom kon wala sila sang elektrisidad. Gin-testingan man niya nga magpakitluoy sa iya mga kasilingan pero wala nagpasugot ang mga ini nga mag-angut sila diri sang koryente./H
[/av_textblock]
[/av_one_full]
