[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’50-ANYOS NA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 26, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Kaangay sang panganod nga ginapalid sang hangin sa kahawaan, ang paglipas sang panahon indi gid mapunggan.
Nagapanalupsop na sa pang-ino-ino kag balatyagon sang tanan ang adlaw nga ginakakunyagan, ang highlight sang pagsaulog sang Dinagyang Festival 2018.
Masaku na ang tanan sa pagpanghanda, may natapos na, may nagapadayun pa kag may magasugod pa lang nga mga aktibidades nga natalana sa bug-os nga semana.
Napagkit na sa kalendaryo sang kadamuan ang ikaapat nga Domingo sang Enero sa tagsa ka tuig nga amo ang selebrasyon sang Dinagyang Festival sa Iloilo.
Sa masami, nagasinggit ang tanan sang “Viva Sr. Sto. Niño.” Ginapasidunggan kag ginatuohan sang mga tumuluo ang imahen sang Santo Niño nga napagkit na sa maragtas kag ginsugoran sang mga tumandok sa pagtuo kag paghakus sa pagtuluohan nga Kristiyano.
Nasentro sa Dinagyang Festival ang pagpasundayag sa kon paano ginapakita ang maragtas sang mga una nga pumuluyo, kon paano sila ginhaylo, kon paano sila nahaylo kag kon ano ang nadangatan sang ila pagtuo.
Naglipas ang panahon, madamo sang mga pagbag-o nga ginpakilala, madamo sang mga bagay nga ginpatigayon bilang simbog kag dugang nga duag sa sini nga selebrasyon.
Sa paglipas sang panahon, kontani indi madula sa sentro sang selebrasyon ang ginsugoran kon ngaa may yara karon sang Dinagyang. Natalupangdan naton nga madamo sang mga aktibidades nga ginaangut sa sini nga okasyon kaangay na lamang sang mga sports events kag iban pa nga kon imo paminsaron daw nagsakay lang sa higayon agud nga makaganar bangud sa kadamuon sang mga tawo nga nagapadulong sa Iloilo.
Nagaagaw ini sang atensyon kag wala sang maathag nga koneksyon sa tradisyon kag kultural nga kahulugan sa pagsaulog sang Dinagyang.
Mabatyagan naton nga naga-amat-amat na kul-aw ang kapagsik, nagalisa sa linyada sang napasad nga mga aktibidades bangud sa intensyon nga magaganar sang daku sa sini nga okasyon.
Paminsaron naton nga ang sentro sini amo ang relihiyoso kag kultural nga pagsaulog. Ang mga sports activities dapat ipaiway ukon isaylo sa adlaw sang pagpasad sang syudad sang Iloilo ukon sa Charter Day Celebration.
Masyado ka mala kag daw wala sang sabor kag kapagsik ang Charter Day Celebration sang syudad bangod nga wala masyado maduso kag mapalapnag sa tawo.
Nalab-ot na sang Dinagyang ang pinakamataas nga pagkilala, nataklad na ang tanan nga pagpanghangkat, nalampuwasan ang tanan nga sablag kag nagpangibabaw ang iya duag kag kaanyag.
Tion na nga huna-hunaon sang Iloilo Dinagyang Foundation Incorporated nga hatagan sang tul-id nga kahulugan kag esensya kon ngaa yara sila sa likod sini, kon ngaa nagahimakas sila para diri kag kon ngaa madinalag-on nila nga ginadumalahan ang okasyon.
Dapat man paminsaron kon paano makahimo sang dugang nga istratehiya ukon padugi agud nga indi magpalibog sa kon diin makwa sang igasto, kon ano ang angay nga himuon agud nga maganyat ang mga magasakdag kag mapadayon ang naga-inggat nga duag.
Duha ka bagay ang mahimu matabu pagkatapos sang 50 ka tuig sang Dinagyang, ayhan mangin kaangay sang vino nga mas nagasaboroso ukon sang bombilya nga mapundir na./PB
[/av_textblock]
[/av_one_full]
