[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’56 KA BALAY NASUNOG SA LA PAZ’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Monday, April 17, 2017
[/av_textblock]
[av_textblock size=” font_color=” color=”]
Syudad sang ILOILO – Imbes nga magkasadya sa Easter Sunday, ginpuhag sang daku nga sunog ang mga residente sang Barangay Lopez Jaena Norte sa distrito sang La Paz diri alas-12:51 sang kaagahon kahapon.
Base sa rekord sang Bureau of Fire Protection (BFP), 52 ka mga balay ang totally damaged samtang apat naman ang parsyal nga nahalitan sa sunog nga naglawig tubtob alas-2:23 sang kaagahon.
May 11 man ka mga persona nga nasamaran sa nagluntad nga sunog lakip na si FO3 Marlon Cañesares. Kalabanan sa ila ang nakaangkon sang first kag second degree burns.
Sunu kay Supt. Jerry Candido, Iloilo City Fire Marshal, nagsugod ang sunog sa nasidlangan nga bahin sang duha ka panalgan nga balay ni Teresita Jaena nga human sa mixed materials. Gina-alegar nga electrical short circuit bangod sang overloading ang ginhalinan sang sunog.
“In the point of origin, we were able to recover electrical installation or wirings nga may evidence of short circuit. Obviously, ang ini nga balay waay sang electric meter. So kon wala sia electric meter, obviously, ang iya nga source of electricity is illegal. Damo sang cutter wire gina sa area nga amo ni ang ginagamit nga hanger type nga jumper,” eksplikar ni Candido.
Natukiban man nga madamo sang kagamitan ang pamilya Jaena kaangay sang siam ka electric fans, refrigerator kag telebisyon nga amo posible ang ginhalinan sang overloading.
Ginabanta man ni Candido nga indi magnubo sa P4 milyon ang halit sang sunog sa mga kabalayan.
Nagkinahanglan pa sang bulig sang mga bombero halin sa mga banwa sang Pavia, Tigbauan, San Miguel, kag Leganes para mapalong ang kalayo.
Gin-aku man ni Candido nga nabudlayan sila sa pagpalong sang kalayo bangod nga makitid ang dalan.
“Admittedly, ang aton firefighting operations delayed gid man sia kay ti mangita ka pa sang lugar mo,” dugang niya.
Angut naman sini, gilayon nga nagpanagtag ang City Social Welfare and Development Office (CSWDO) sang mga relief packs sa nahalitan nga mga pamilya. Natalana man nga maghatag sang tag-P5,000 nga kwarta ang CSWDO para sa mga balay nga totally damaged samtang P2,500 naman para sa parsyal nga nahalitan.
Hambal pa ni barangay kapitan Marjorie Gregorios, masobra 100 ka mga pamilya ang apektado nga kalabanan sa ila ang nagpaligad sang gab-i sa barangay hall kag Aglipayan Church./PB
[/av_textblock]
[/av_one_full]
