[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Matag-adlaw nga pagbatas’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Saturday, March 18, 2017
[/av_textblock]
[av_textblock size=” font_color=” color=”]
BILANG isa ka ordinaryo nga tawo nga nagapangabuhi sang matarong, madamo kita sang nasumalang nga mga pagbatas sa kabuhi. Halin sa mabudlay nga pagsinalayo sa kakulang sang puluy-an, hasta sa kakulang sang pagkaon bangud sang kulan nga kinitaan.
Pero ini aton nalampuwasan sa pagsalig sa Ginoo kag pag-usoy sang tadlong nga banas. Banas nga bisan pa may mga tugalbong atun nalampuwasan bangud sa aton matag-adlaw na nga pagbatas sining mga kabudlayan sang kabuhi.
Ang tagsa ka adlaw isa ka pagbatas. Pagbatas indi lamang sa aton personal nga mga alakuon sa kabuhi kundi bisan ang atun alatubangon bilang responsible nga pumuluyo.
Ano bala ang aton ginabatas kada adlaw?
Una, nagabatas kita sa mga balingag nga lider sang pungsod. Maathag nga ang kamatuuran ginapaliw-as para sa ila kapamaayuhan. Halimbawa lang ang nagakatabu sa Kongreso. Kakasanay sa poder para lamang maduso ang gusto sang administrasyon.
Ang masingki nga kampanya sa ilegal nga droga nagpatay na sang linibo ka mga imol, apang ang mga big-time nga mga drug lords nga napriso na sa Bilibid nangin kadampig pa sang gobyerno para matapak kag madunot ang nagabalabag sa ila tuntonlan. Pero kun katampad lang, nakita naton ina sa aton President. Ugaling ang iya mga tinawo, sa kahadlok nga sila ang maukpan kun indi matuman ang mando sang ibabaw.
Ikaduha, kada adlaw ginabatas naton ang pagkabalingag sang mga Filipino (kag kita man eh may pagkabalingag man). Indi makahibalo magtuman sa pagsulondan. Simple lang nga paghatag sang lugar sa tigulang, nagabusong kag may disabilities sa salakyan, indi mahimo. Sa simple lang nga punto, bal-an ta ang kasuguan pero dungol gid kag tig-a ang aton ulo.
Ikatatlo, ginabatas ta ang bunga sang aton mismo nga kahimuan. Halimbawa na ang hinali nga pagbaha sa syudad kun magtupa ang ulan…basulon ta ang guba nga drainage, pero kahapon diin ka naghaboy sang imo basura? Ang atun pagka-iresponsable amo ang rason sang aton pagbatas kada adlaw.
Pinakalabaw sa tanan nga pagbatas amo ang pagbatas sang kaimulon. Bisan ang may kwarta masiling pa nga pigado. Ano na lang abi ang mga imol kun ang manggaranon nagahambal pa nga pigado?
Tagsa sa aton may ginabatas nga kabudlayan sa kabuhi. Ikaw, ano bala ang imo ginapas-an nga kabudlayan?
Siling nila nagapadulong man ang kwarisma, sige lang, pas-an ka lang sang imo krus. Apang sa mga imol, adlaw-adlaw nagapas-an na sila sang kalbaryo para lamang mabuhi. Ang makalampuwas sa isa ka adlaw isa na ka dako nga kadalag-an para sa ila.
Magbatas ka kay sa pagbatas may kauswagan kag katibawasan kita!/PN
[/av_textblock]
[/av_one_full]
