[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ASAWA GINBUNU-PATAY SANG BANA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Monday, March 27, 2017
[/av_textblock]
[av_textblock size=” font_color=” color=”]
Syudad sang ILOILO – Nagresulta sa maduguon nga hitabo ang pagbaisay sang mag-asawa matapos nga ginpatarasakan bunu sang bana ang asawa nga magahod sang baba sa Barangay Agcuyawan Calsada, Barotac Nuevo, Iloilo alas-nueve sang gab-i sang Sabado.
Dead-on-arrival sa Don Jose Monfort Medical Center Extension Hospital sa Barotac Nuevo ang asawa nga si Ligaya Valdez y Carnaje, 37, nga nakaagom sang tatlo ka mga patal nga pilas sa likod, duha sa liog kag isa sa dughan.
Sa interbyu sang Panay Balita kay Chief Inspector Raymond Celoso, hepe sang Barotac Nuevo Municipal Police Station (MPS), bag-o gid lamang nakatapos sa pag-inom ang bana nga si Carlos Valdez y Reyes, 40, tumandok sang Isabela City kag hana na nga magtulog sang ginkomprontar sang asawa, ginhaboyan sang malain nga mga tinaga kag ginsakit.
Diri na kag nagluntad ang masingki nga pagbaisay tubtob nga napalangdulman ang bana kag ginkuha ang patalom nga nakasab-it sa ila ding-ding kag gindusak ang asawa.
“Nagpuli na ang bana nga naka-inom. Then, sang matulog na sia tani, ang asawa niya nagkompronta, basi naling-an sia. Sa info namon sa area, daw ‘under de saya’ ang lalaki. Daku ni bal-an ang asawa sang sa iya. Basi ki-s ginasumbag sia sang iya asawa. Amo to nga tion napangdulman sia amo to nakuha ya ang kutsilyo sa ding-ding nga nagasab-it kag na-stab ya ang asawa ya,” saysay ni Celoso.
Matapos nga ginbunu, namaras-masan man ang bana rason nga gin-alay-ay sini ang asawa kag gindala sa gwa sang ila balay para magpangayo sang bulig sa ila mga kasilingan para madala sa ospital.
Sang gindala na sa ospital ang asawa, nagpalagyo man dayon ang bana sa kahangawa nga balusan ini sang pamilya sang iya asawa. Nagkadto ini sa Barangay Barasan, Dumangas, Iloilo, nga malapit man lang sa Brgy. Agcuyawan Calsada kag alas-12 sang tungang gab-i sang nagsungka ini sa barangay kapitan sang lugar.
Gilayon man sang kapitan gin-turnover ang suspetsado sa Dumangas PNP nga amo ang nagpahibalo sa Barotac MPS.
Samtang, nakaangkon naman sang trauma ang 10-anyos nga bata nga babae sang mag-asawa nga nakasaksi sang pagbunu-patay sang amay sa iya iloy.
“Subong gani daw na-trauma ang bata kay sang natabo ang insidente, nagalatan-aw sia sang telebisyon,” dugang ni Celoso.
Sa follow-up investigation sang Barotac MPS sa balay sang mag-asawa kahapon sang aga, narekober ang malapad nga patalom nga gingamit sang bana sa pagbunu sa asawa.
Samtang ginasulat ini nga balita, hinahanda naman sang Barotac Nuevo MPS ang pagpasaka sang kaso nga parricide kontra sa bana nga priso na subong sa ila karsel./PB
[/av_textblock]
[/av_one_full]
