[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Kapitan napatay sang iya pusil’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Tuesday, March 28, 2017
[/av_textblock]
[av_textblock size=” font_color=” color=”]
Syudad sang ILOILO – Masubo ang nadangtan sang barangay kapitan nga aksidente nga nalukpan sang kaugalingon niya nga pusil matapos nga nadisgrasya sa motorsiklo sa Barangay Jelicuon Lusaya, Cabatuan, Iloilo alas-11:30 sang aga kahapon.
Ginbawian sang kabuhi samtang ginabulong sa Iloilo Doctors’ Hospital alas-3:35 sang hapon si kapitan Vergel Zuniega, 37, kasado kag residente sang Brgy. Pacatin, Cabatuan, bangod sang pilas sa tuo nga bahin sang hita.
Padayun naman nga ginabulong sa nasambit nga ospital ang walo ka tuig nga bata nga lalaki sang kapitan nga nakaagom sang pilas sa wala nga paa.
Sa interbyu sang Panay Balita kay Chief Inspector Engelbert Banquillo, hepe sang Cabatuan PNP, halin sa Brgy. Sta. Rita, Maasin, Iloilo, ang kapitan upod ang iya asawa kag tatlo ka mga bata nga naga-edad sang 10, walo kag masobra isa ka tuig kag nagapauli na sa ila balay sang nagluntad ang aksidente.
“Una kagina nga report shooting incident kay nagdirekta sila sa ospital wherein nakumpirmar naton ang biktima isa ka kapitan. Pero sang naulihi nabal-an naton nga nagasakay sila nga lima sa motor. Samtang nagapakadto sila sa ila balay, pag-abot sa Lusaya sa rough road, aksidente nga natumba ang motor ni kapitan nga Motorstar. Then, right after nabatian ang lupok sunu sa na-interbyu naton sa eksena. Sunu sa nakakita wala man sila nagpahilabot kay abi nila nalukpan si kap sang goma pero nakita nila nga duguon ang isa ya ka bata kag nagahibi na ang bata,” eksplikar ni Banquillo.
Nataboan naman nga may naglabay nga traysikol nga amo ang nagbulig dala sa mag-amay sa ospital pero dimalas nga ginbawian sang kabuhi ang kapitan.
Sa pagpati ni Banquillo nga nahulog ang bag nga naga-unod sang ginapatihan kalibre .45 nga pusil nga ginbutang sang kapitan sa iya atubang kag napilpilan nila.
Ang resulta, naigu una ang walo ka tuig nga bata sini nga nagapungko sa iya atubang kag sunod nga naigu ang kapitan.
Sa pag-usisa man sang Cabatuan PNP sa balay sang kapitan, narekober ang isa ka bag nga may holster pero wala na marekober ang pusil.
Samtang ginasulat ining balita, padayun pa ang pag-imbestigar sang Cabatuan PNP para mabal-an gid ang matuod nga natabo./PB
[/av_textblock]
[/av_one_full]
