[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’1 ka tuig nga bata nalumos sa suba’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Tuesday, March 28, 2017
[/av_textblock]
[av_textblock size=” font_color=” color=”]
Syudad sang ILOILO – Makahalanusbo ang naabtan sang isa ka tuig kag anum ka bulan nga bata nga lalaki matapos nga nalumos sa suba sa Sitio Dangyad, Brgy. Nabitasan, Leganes, Iloilo alas-dos sang hapon sang Domingo.
Dead-on-arrival sa West Visayas State University Medical Center ang biktima nga si Carl Andrew Osano nga nalumos sa suba sa tupad gid lamang sang ila balay.
Sandig sa imbestigasyon sang Leganes PNP, nasapwan na lamang sang tiyo nga si Jeffrey Osano nga nagalutaw-lotaw na ang iya hinablos sa suba.
“Mga 30 minutos na sang nakita ko. Siempre ang bata ni kon bag-o lang nadagdag indi man dali-dali nga maglutaw dayon. Pero nagbutwa sia pagkita ko kay buta na ka tubig ang lawas ya. Naga-guwa na ang gatas kag tubig sa ilong ya. Siling ko wala na ni tsansa si Nonoy. Ginhakwat ko sia kag gindalagan. Gin-pump pa nila basi mahingagaw amo to kaso wala gid,” panaysayon sang tiyo.
Natukiban nga nagapanglaba ang yaya sang bata sang nagluntad ang insidente. Ginapatihan nga nagdalagan ang biktima pagwa sa ila balay pakadto sa suba nga wala namutikan sang yaya rason nga nalumos.
Samtang nagapati naman ang iloy sang bata nga si Luna Mae Osano nga aksidente lamang ang natabo kag wala sang kapaltahan ang yaya.
“Damo man di sila kuno. Ginabantayan man nila, wala lang siguro nila natalupangdan nga nakalakat ang bata,” hambal sang nagatalangison nga iloy.
Nahibaluan pa nga ang yaya na ang nagpadaku sang bata bangod nga nagpadulong sa Manila ang iloy sini para mag-obra pero sang nakahibalo ini nga nadisgrasya ang bata, gilayon ini nga nagpauli./PB
[/av_textblock]
[/av_one_full]
