[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LALAKI GINTIRO-PATAY SANG KASIMARYO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Saturday, April 1, 2017
[/av_textblock]
[av_textblock size=” font_color=” color=”]
Syudad sang ILOILO – Ginbawian sang kabuhi ang isa ka lalaki matapos nga gintiro sang iya kasimaryo sa Barangay Rumbang, Pototan, Iloilo alas-5:15 sang hapon sang Huwebes.
Dead-on-arrival sa Iloilo Provincial Hospital ang biktima nga ginkilala kay Marlou Libanan Vijar, 32, bangod sang patal nga pilas sa dughan.
Ginatudlo naman nga suspetsado si Roberto Armada alyas Berting nga padayun pa nga at-large.
Sa interbyu sang Panay Balita kay Senior Inspector Bonifacio Alabe Jr., hepe sang Pototan Police Station, naglabay ang suspetsado sa atubang sang balay sang biktima sakay sa motorsiklo takna alas-tres sang hapon. Bangod nga makitid ang dalan, diutayan lamang na-sideswipe sang suspetsado ang nagahampang nga bata sang biktima.
Nagpanugid man dayon ang bata sa biktima sang natabo rason nga pagka-alas-cinco sang hapon, ginkadtoan sang biktima ang suspetsado sa balay sini bitbit ang espading kag ginsinggitan ang naulihi nga mag-gwa bangod nga utdon sini ang iya ulo.
Nagkuha naman ang suspetsado sang 12 gauge shot gun kag gingwaan niya ang biktima sa diin nagbaisay sila tubtob nga na-impito ang suspetsado kag natirohan ang biktima nga nakadalagan pa sang masobra 20 metros.
“Mga 3 p.m., ang suspek naglabay sa atubang sang balay sang biktima kay ila balay daw lapit sa ginbayaan sang riles sang una. So, ang alagyan makitid, according sa asawa sang biktima nga paglabay sang suspek nga nagsakay sa motor, diutayan ya lang ma-sideswipe ang bata nga naghampang sa dalan. So, medyo naakig ang bana tungod kay may previous nga hiligut-anon. Pag-around 5 p.m., ginkadtoan sang biktima ang suspek sa ila balay sa punta. Ang biktima may dala nga espading kag ginsinggitan ya ang suspek nga magwa sa balay kay utdan ya kuno sang ulo. Amo to nagkompromtahay sila kag medyo nagsingki sitwasyon, ang suspek nagbalik sa iya balay kag nagkuha sang armas kag gintiro ang biktima,” eksplikar ni Alabe.
Matapos ang insidente, nagpalagyo man dayon ang suspetsado bitbit ang 12 gauge shot gun pero sa follow-up operation sang kapulisan alas-nueve sang aga kahapon, narekober nila sa nasambit nga barangay ang pusil.
Samtang ginasulat ining balita, ginanegosyar na sang kapulisan ang pamilya sang suspetsado para pasungkaon ini./PB
[/av_textblock]
[/av_one_full]
