[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Coast Guard handa na para Semana Santa ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Wednesday, April 5, 2017
[/av_textblock]
[av_textblock size=” font_color=” color=”]
Syudad sang ILOILO – Kasado na ang preparasyon sang Philippine Coast Guard (PCG) para sa ginalauman nga pagdagsa sang mga tawo sa mga puerto sa maabot nga Semana Santa.
Sugod subong nga adlaw, naka-alerto na ang bug-os nga puersa sang PCG.
Sunu naman kay Lieutenant Commander Ramil Palabrica sang PCG-Iloilo, makasar sila sang mandatory pre-departure inspection sa mga puerto para masiguro nga wala sang makalusot nga mga hinganiban subongman ilegal nga droga padulong sa mga destinasyon sa Semana Santa.
Siguruhon man sang PCG nga wala sang mga sakayan nga mangin overloaded. Sekyaron kag siguruhon man nila nga mapag-on ang mga sakayan kag yara sa insakto nga kondisyon.
Pero ang isa gid sa tutokan sang PCG amo ang pag-gutok sang mga pasahero sa Parola kag Ortiz wharfs sa city proper nga mapadulong sa Guimaras.
Kada tuig, linibo ka mga turista ang nagadagsa sa Guimaras para magsaka sa Balaan Bukid tion sang Biyernes Santo para magsaksi sang Pagtaltal.
Nahibaluan nga masugod ang Semana Santa sa Abril 9 kag magatakop sa Abril 16 kag ginalauman nga madamo sang mga tawo ang madugok sa mga beach kag resorts bangod sang malawig nga bakasyon.
Angut sini, ang PCG central office nagpanugyan sa mga pumoluyo nga sundon ang ila mga ginahambal kaangay sang pag-abot sa puerto sang temprano, indi magdala sang madamo nga kagamitan sa pagsakay sa mga sakayan kag indi magdala sang eksplosibo kag compressed gas.
Kag magsuksok gid dapat sang life jacket kon magsakay na sa mga sakayan./PB
[/av_textblock]
[/av_one_full]
