[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LALAKI GINPATAY SA LAMBUNAO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Saturday, April 8, 2017
[/av_textblock]
[av_textblock size=” font_color=” color=”]
Syudad sang ILOILO – Patay ang isa ka lalaki nga gintiro sang duha ka suspetsado sa Barangay Sibaguan, Lambunao, Iloilo takna alas-9:15 sang gab-i sang Huwebes.
Gindeklarar nga dead-on-arrival sa Dr. Ricardo Y. Ladrido Memorial Hospital sa banwa sang Lambunao ang biktima nga si Agustin Lazo y Mejado, 47, kag residente sang Brgy. Sibaguan, Lambunao, nga nakaagom sang patal nga pilas sa tuo nga dughan.
Sa interbyu sang Panay Balita kay Chief Inspector Dennis Pamunag, hepe sang Lambunao Municipal Police Station, naga-inom-inom ang biktima upod ang duha ka mga suspetsado nga sanday Kevin kag Ariel Lechoncito sa balay sang ila kasilingan sang nagluntad ang insidente.
Gina-alegar nga ginsunod sang maghimata nga suspetsado ang biktima nga una nga nagpauli kag gintiro.
“Before sang natabo, bale ining biktima kag duha ka suspetsado ara sa birthday party. Then naka-inom ang suspek kag biktima kag daw may ginbaisan sila tapos nagpauli na ang biktima. Then ginsunod sang suspetsado kag gintiro sa sulod sang ila balay,” eksplikar ni Pamunag.
Maswerte lang nga wala naigu ang asawa kag kabataan sang biktima nga nakabugtaw pa sang natabo ang krimen.
Gilayon man nga gindakop ang mga suspetsado sang nagresponder nga mga pulis kag natalana sila nga kasohan sang murder./PB
[/av_textblock]
[/av_one_full]
