[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 KA DYEP GINSALAKAY SANG PICKUP, 15 PILASON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Wednesday, April 12, 2017
[/av_textblock]
[av_textblock size=” font_color=” color=”]
OILO – Ospital ang gintup-an sang mga pasahero sang ginsalakay sang pickup ang duha ka de-pasahero nga dyep sa Barangay Cabugao Sur, Sta. Barbara, Iloilo alas-cuatro sang hapon kahapon.
Ginbuloligan dala sang ambulansya kag patrol car sang Pavia, Iloilo ang 15 ka mga pasahero sang pula nga dyep nga may rota nga Sta. Barbara- Iloilo City and vice versa kag ginamaneho ni Dominador Mantiles y Castor, 48, kag residente sang Cabatuan, Iloilo. Nagbaliskad gid sa dalan ang dyep rason nga nakaagom sang mga samad sa lawas ang mga biktima.
Maswerte naman nga wala sang nasamaran sa mga pasahero sang blue nga dyep nga ginamaneho naman ni Stephen Niembra y Padilla sang Brgy. Guiguinto, Bulacan.
Sa interbyu sang Panay Balita kay PO2 Ryan Superficial, imbestigador sang Sta. Barbara Municipal Police Station (MPS), halin sa syudad ang pickup nga ginamaneho ni Arturo Bachoco, 52, residente sang Brgy. Baluyan, Cabatuan kag mapauli na kontani sa ila balay sang nagluntad ang aksidente.
“Ang pickup nga Ford Ranger nga puti nag-attempt nga mag-overtake sa blue nga passenger nga dyep, same direction. Sunu sa alegasyon sang nakakita tama ka dasig ang dalagan sang puti nga pickup. Tapos pagbunggo sa buli sang blue nga dyep, nakabunggo pa gid sia (pickup) sa isa ka dyep nga pula, amo na ang gintunaan sang pagkatumba sang dyep nga may pasahero man nga na-injure more or less 15 nga gindala sa Western Visayas Sanitarium,” eksplikar ni Superficial.
Sa teorya ni Superficial, posible nga nagbaliskad ang pula nga dyep bangod sang madasig nga pagdalagan sang pickup kag mabaskug nga pagbunggo diri.
“Posible nga nagbaliskad ang dyep tungod sang kadasigon sang puti nga pickup. Dira naton mabasehan ang impact ya may puersa ang pickup sa pagbunggo kay nagbaliskad gid,” pahayag sang imbestigador.
Sa pihak nga bahin, bukas ang mga pasahero sa pag-areglo sang natabo kon buligan sila sang drayber sang pickup sa ila kagastohanan sa pagpabulong sa ospital.
Sa interbyu naman sang Panay balita kay Bachoco, posible nga nagsala lang ang iya pagbanta sa pagmaneho matapos nga isa lamang ka direksyon ang gina-usoy nila sang duha ka mga dyep.
“Sa pamatyag ko basi nasagi ko man ang dyep tapos nagsagi man sia sa unahan na dyep. Pagsagi niya daw nag-rattle kay nag-impact. Siguro either nagka-error man ako kay sang nag-stop ukon pagsaka sang iya pasahero, na-igu nga nag-move kaming dalawa, nagkasabay ng level or the same line,” eksplikar ni Bachoco.
Sa karon, si Bachoco ang posible nga magpangatubang sang kaso nga reckless imprudence resulting to multiple physical injuries and damaged to property./PB
[/av_textblock]
[/av_one_full]
