[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGA GINKADENAHAN SANG ILOY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Thursday, April 27, 2017
[/av_textblock]
[av_textblock size=” font_color=” color=”]
Syudad sang ILOILO – Nabutang sa kontrobersiya ang pangabuhi sang isa ka pamilya sa Barangay Tigbauan Road, Cabatuan, Iloilo matapos nga nabalahuba sa publiko ang pagkadena sang iloy sa iya dalaga nga bata.
Ginpahayag nga bangod sangpagwaras sang 25-anyos nga dalaga sa ila balay, nagdesisyon ang 54-anyos sini nga iloy nga i-kadena ini para indi makapanghalit.
Ang isa pa gid ka rason nga nagtulod sa iloy nga kadenahan ang iya bata bisan masakit sa iya balatyagon amo ang pag-hublas sini sa dalanon kon makagwa sa ila balay.
Sandig naman sa report, kapin anum ka bulan na nga ginakadena sang iloy ang iya bata nga may diperensya sa paminsaron.
Una naman nga nabalahuba ang insidente sang nagdangop sa isa ka istasyon sang radyo ang pamilya sang dalaga. Nagdangop man ang isa sini ka kapamilya sa lokal nga pangulohan sang Cabatuan para magpangayo sang bulig para indi na makagwa sa ila balay ang dalaga. Diri kag ginpanugyanan sila sang lokal nga pangulohan nga ipa-idalom sa rehabilitasyon ang dalaga apang nagpamalibad ang iloy sa paghambal nga maayo na lamang nga yara ini sa iya kustodiya.
Naghinyo man ang iloy nga patindogan na lamang sang balay-balay ang iya bata nga human sa salsalon para indi maguba.
Gina-alegar nga nagsugod ang paglain sang paminsaron sang dalaga sang nag-eskwela ini sa isa ka eskwelahan sa Syudad sang Iloilo sang tinalikdan nga mga tinuig apang gina-alegar nga nakagamit ini sang ilegal nga droga rason nga naglala ang iya sitwasyon.
Angut sini, nagpasalig si Mayor Ronilo Caspe sang Cabatuan nga mabulig sia basta may pahanugot lamang sang pamilya sang biktima.
“Si nanay ya sina nagkadto diri sa munisipyo. So, indi lang siguro ikalima magbalik-balik diri sa opisina para magpangayo sang bulig regardging sa iya bata. So, ginpatawag naton ang kapitan sang barangay together with DSWD and Rural Health Unit (RHU), ginkadtoan dira sang aton nurse kag RHU kag ginlantaw ang sitwasyon,” eksplikar ni Caspe.
Dugang pa sang alkalde nga ang barangay kapitan sa Brgy. Tigbauan Road amo ang gintugyanan nga mag-obra sang balay-balay sang bata apang ginaguba man ini tion nga abuton ang bata.
“Ang kapitan amo ang in-charge nga ipakaayo ang iya nga balay nga gina-alegar nga ginaguba sang bata kon magbayolente. So, gintagaan sang time table sang ulihi nagbalik naman sia kay amo naman ang sitwasyon nga sige gihapon pang-guba sang bata,’ dugang sang alkalde.
Bangod sini, ginpanugyan na lang niya nga ipa-idalom sa eksaminasyon ang bata para madapatan sang pagbulong.
“Gin-advice naton nga kuhaon sang ambulance ang bata tapos ipa-admit para mag-seek sang medical intervention kay ti siling ko bisan ano ka pakay-o sang balay, kon wala sang bulong nga ginadapat indi man mag-ayo kag amo man gihapon ang iya himuon,” pagtapos ni Caspe./PB
[/av_textblock]
[/av_one_full]
