[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Pangtabon sang buho’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Sunday, May 7, 2017
[/av_textblock]
[av_textblock size=” font_color=” color=”]
DUHA na ka mga appointees ni President Rodrigo Duterte ang ginbasura sang Commission of Appointments (CA) ang ila kumpermasyon. Ini amo sanday anay Foreign Affairs secretary Perfecto Yasay kag sining karon lang si Environment secretary Gina Lopez.
Suno sa CA nagbutig sang iya citizenship si Yasay samtang indi naman santo sa posisyon si Lopez. Matuod gid ayhan ini nga kabangdanan ukon intentional kag nakaplano na ang indi pagpasar sang kumpermasyon sang duha?
Una sa kay Yasay, matunog ang ngalan ni Sen. Alan Peter Cayetano, ang nalutos nga vice presidential candidate ni President Duterte nga amo ang magauyat sang Foreign Affairs portfolio. Bisan sya mismo nag-ako nga gusto niya ini nga posisyon.
So ano ang konek diri? Kun nakumpermar si Yasay, pagtapos sang one-year election ban sa mga nagkandidato nga magsulod sang gobyerno, paano naman si Cayetano? Kundi indi sya makasulod sa Deaprtment of Foreign Affairs (DFA)?
Ang mga isyu nga nabukaran kay Yasay tubtob nga wala sya ginconfirm sang CA, plastado na. Si Yasay sigurado gin-gamit lang nga panabon sa buho para kay Cayetano.
Sa bahin naman ni Lopez, nangin kontrobersyal ang pagpauntat niya sang iya ginatawag destructive mining. Resulta nagnubo ang stocks sang mining sa Philippine Stocks Exchange kag nagreklamo ang mga minero nga nagutuman sila. Ang Finance department nagareklamo nga dako nga tax ang nadula sa gobyerno bangud sang ginhimo ni Lopez.
Maathag nga dako ang oposisyon kag bisan ang mga kaalyado sang President supak kay Lopez. Gani sa botohay, ginbasura sang CA ang appointment ni Lopez kag isa sa mga kilala nga nagkontra amo si Cayetano.
Sa gindangatan sang duha ka mga maayo, maalam kag may kredibilidad nga tawo, maathag nga kulang sang katampad ang gobyerno. Bilang President mahimo man sya makabutang pressure sa CA ilabi na sa iya mga kaalyado agud ma-confirm ang duha kun gusto gid man niya ang mga ini.
Ang President dapat nagpakigbato sang iya pagpili sa duha. Tanan nga medyos kuntani ginhimo niya agud mapasulod ang duha. Pero maathag nga wala. Buot silingon, may nakatoka na sa sina nga posisyon kag ang duha gin-gamit lamang agud makumpleto ang inisyal nga pwesto sa gabinete. Sigurado ako nga wala sang may makatupong sa kredibilidad kag passion ni Lopez sa pag-amlig sang palibot. Kun sin-o man ang magabulos sa iya, sigurado nga indi gid, bisan tupong man lang kay Lopez.
Sa indi pagkumpermar sa duha, ginhaboy ta sa basura ang ali-ali nga kamatis. Dako na kuntani nga lumpat padulong sa kaayuhan sang natungdan nga ahensya ang pagpili sa ila. Pero sa natabu, balik kita sa daan nga sistema nga ang mga may kwarta ang nagahari.
Ang masubo sini kun pati si Department of Social Welfare and Development secretary Judy Taguiwalo madalasa pa. (jfranco1975@yahoo.com/PN)
[/av_textblock]
[/av_one_full]
