[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BABAE NGA DUROGISTA TIKLO | Supply sang droga ginapasuni ginakuha sini sa Iloilo District Jail ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Monday, May 8, 2017
[/av_textblock]
[av_textblock size=” font_color=” color=”]
ILOILO City – Nag-aku ang babae nga gina-alegar durogista nga sa Iloilo District Jail (IDJ) sa Barangay Nanga, Pototan, Iloilo sia nagakuha sang iya supply sang ilegal nga droga.
Ang suspek nga si Josefina Doctora, 42, sang Brgy. Ilaya Poblacion, Barotac Nuevo, Iloilo ang nadakpan sang nagligad nga Sabado, alas-5:30 sa hapon, sa drug operation sang Barotac Nuevo PNP sa Brgy. Tubungan, Barotac Nuevo.
Matapos mabaklan sang balor P500 nga ginapasuni shabu, narekober man sang kapulisan ang lima pa ka dugang nga sachets sa iya panty kag bra.
Ginkumpirmar naman ni Barotac Nuevo PNP deputy chief, Senior Police Officer 4 Glenn Azucena nga gin-aku ni Doctora tion sang ila imbestigasyon nga antes ini gin-aresto, naghalin sia sa IDJ kag nagkuha sang supply sang droga sa duha ka priso nga kontak niya didto.
Sunu pa kay Azucena nga ginkilala sang suspek ang duha ka ginakuhaan niya kanday Pakoy kag Marko dela Cruz.
Nahibaluan pa nga si Doctora nagsungka na sa kapulisan sang 2016 kag nag-aku man nga naga-gamit sia ilegal nga droga pero indi sia drug pusher.
Pero base sa intelligence report sang kapulisan, luwas nga naga-gamit, nagaduso pa gid sang ilegal nga droga ang suspek.
Sa pihak nga bahin, gin-aku ni IDJ warden, Senior Inspector Abner Zamora, nga nakasulod si Doctora sa prisohan ala-1:30 sa hapon sang Sabado kag nag-gwa alas-4:30 sa hapon.
Dugang pa ni Zamora nga wala sang suspek napakigkitaan si Dela Cruz kundi nga si Pakloy Alarba lang nga may kaso nga robbery. Samtang si Dela Cruz naman madugay na nga priso bangod sa droga.
Pero nagaduda naman si Zamora sa operating procedure sang Barotac Nuevo PNP.
“Hambal sang mga pulis they started to tail Ductora when she entered in the IDJ kag sang magua na amo ato nga gina tail nila going to Barotac Nuevo where they claimed na may buy-bust and there are five other sachets pa. If it’s true nga gina tail nila since pagsulod sang suspect the IDJ, tani sa sulod palang sang IDJ compound gin inform nila ako para ma rekisa,” pahayag pa sang warden.
“Basi along the way, may gin kuhaan siya nga drug dealer kay Pototan and Baroct Nuevo medyo malayo ang imo biyahe, tani didto pa lang sa sulod sng IDJ they conducted operation,” dugang sini. “I don’t believe that Doctora got her stock inside the jail because we are so strict in frisking the visitors.”
Sang damlag naman, may tatlo na ka mga drug suspects nga nadakpan nga gina-alegar sa IDJ man nagakuha sang droga. Ang duha diri amo sanday Jennie Bee Goriona, 37, kag Vivien Sian, 37, nga nadakpan sa Brgy. Benedicto, Jaro sang nagligad nga semana. Nakuhaan sila balor P1.1 milyon nga droga./PB
[/av_textblock]
[/av_one_full]
