[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 PILASON SA TIROHAY SA POTOTAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Wednesday, May 10, 2017
[/av_textblock]
[av_textblock size=” font_color=” color=”]
Syudad sang ILOILO – Napilasan ang duha ka lalaki sa nagluntad nga tirohay sa KTV bar sa Barangay Rumbang, Pototan, Iloilo sang nagligad nga Lunes sang gab-i.
Ang isa diri amo ang tag-iya sang KTV bar nga si Edgar Dador. Napilasan sia sa wala nga paa matapos gin-alegar ginluthang sang isa sa apat ka mga kustomer sang iya ilimnan.
Nasamaran man ang suspek nga si Fernando Delgado sang Brgy. Alalasan, Lapuz, Syudad sang Iloilo nga nag-alegar nga ginluthang man ni Dador.
Sunu kay PO2 Raffy Gonzales, imbestigador sang Pototan Municipal Police Station, nagbaisay sanday Dador kag Delgado parte sa balayran sa gin-inom nga beer nga naglambot sa P610.
“Alegasyon sang grupo ni Delgado nga makaduha ka beses sila nga ginsukot ni Dador amo nga nagreklamo sila nga ginhalinan sang baisay,” pahayag ni Gonzales.
Gindugang niya nga base sa ila imbestigasyon, nag-guwa si Dador sa KTV bar nga may dala na nga pusil kag ginsundan sang linupok. Narekober naman sa nataboan sang insidente ang duha ka empty shells sang kalibre .45 nga pistola. Nakuha naman sa paghinakop sang grupo ni Delgado ang kalibre .38 nga rebolber nga may duha ka live ammunitions kag tatlo ka empty shells.
Nagpalagyo pa sangday Delgado sakay sa multicab kaupod sanday Ronald Pareño, Ron Moises Pareño kag Rene Paul Villareal matapos ang insidente. Nadakpan na lamang ang mga ini sa follow-up operation sa Brgy. Amamaros. Pero wala naman narekober ang gina-alegar kalibre .45 nga pistola sa grupo ni Delgado./PB
[/av_textblock]
[/av_one_full]
