[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay, 1 pilason sa pagtiro sa Cauayan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Tuesday, May 23, 2017
[/av_textblock]
[av_textblock size=” font_color=” color=”]
Syudad sang BACOLOD – Ginbawian sang kabuhi ang duha ka lalaki kag pilason naman ang isa pa sang gintiro sila sang duha ka wala makilala nga mga suspek pasado alas-10 sang gab-i sang Domingo sa Sitio Bonbon, Barangay Inayawan, Cauayan, Negros Occidental.
Madamo nga mga pilas sa lawas ang ginkamatay nanday Uldarico Alipan, 55, kag Winnie Villanueva, 44, lunsay residente sang amo nga lugar.
Nakilala naman ang napilasan nga amo ang bata ni Winnie nga si George Vilanueva, 25. Yara sia karon sa Corazon Locsin Montelibano Memorial Regional Hospital sa Syudad sang Bacolod.
Sunu kay Chief Inspector Ruben Pajarito, hepe sang Cauayan PNP, ang lugar sang insidente malayo kaayo kag ambush site pa, gani nabudlayan ang mga pulis magkadto didto kag ginhulat na lang nga magkaagahon.
Piyesta sa amo nga lugar sadto nga tion kag ang mga biktima nagapungko lang sa traysikol sang gintiro sang duha ka mga suspek nga nag-agi sa ila atubang. Gilayon man nga nalagyo ang mga suspek.
Gindugang pa ni Pajarito nga may nakuha sila nga slug sang kalibre .45 sa ginluntaran sang pagtiro.
Padayin pa man ang pag-usisa sang mga pulis sa nakasalbar sa amo nga insidente kon kilala niya ang nagtiro sa ila./PB
[/av_textblock]
[/av_one_full]
