[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | NAHADLOK BANGUD KULANG SA PAGHANGOP’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, May 29, 2017
[/av_textblock]
[av_textblock size=” font_color=” color=”]
Liwat na naman nga nabanhaw ang kahangawa, kahadlok, kag kabalaka sang mga nagapamalabag sa martial law sang ini ang liwat nga ginpatuman sa kabug-usan sang Mindanao.
Madamo ang nagapahayag sang pagpamalabag ilabi na ang mga yadtong naka-eksperyensya sa panahon ni anay Presidente Ferdinand Marcos.
Apang, diretso kita sa punto, paano magpareho ang martial law sadto kag sa subong kay ang aton konstitusyon may nabalay na nga limitasyon, may maathag nga parametro agud nga indi masulit ang natabu sadto.
Kon nasakitan ka sa ginhimo sang una mo nga kahagugma, dalukan mo bala ang imo kaugalingon sa bag-o nga higayon? Pit-an mo ayhan ang imo kaugalingon nga maghigugma bangud sa malain mo sadto nga eksperyensya?
Indi ka ayhan maghimo sang paagi agud nga makalikaw ka sa kasakitan bisan pa liwat ka nagabatyag sang kakunyag sang gugma?
Kahibalo ako nga indi manami nga palaanggiran ang paghigugma kag ang martial law, apang mas angay nga ipatudok naton nga nagalipas ang panahon, naganuto ang tawo kag base sa iya naagyan, siya ang nagapanigana nga indi masakitan.
Tuhay na ang sitwasyon, sadto madamo sang radyo, telebisyon kag pamantalaan ang ginpasirado, apang sa karon, hilway ang tanan nga daw sa wala lang sang may nagakatabu. Nalipay ang kadamuan bangud nga mas mabatyagan nila ang seguridad sa palibot, normal ang ila pagsinarayo, wala sang sablag ang ila paghulag, magluwas lang sa Marawi City nga may nagaluntad nga engkwentro sa tunga sang militar kag mga hurong nga grupo.
Kon nagapati ang iban nga malain ang martial law, ngaa ginapagkit ini sa konstitusyon? Ngaa ginahatag ini nga poder sa presidente bilang pinakaulihi niya nga mahimo batok sa luyag magpukan sa gobyerno, batok sa mga luyag maghari sa gobyerno kag sa mga nagahalit sa mga tawo.
Kon abusaran ang martial law sang militar, ngaa yara sa gihapon sa kamot sang sibilyan ang paghimo sang mandu, ngaa yara sa kongreso ang pagpamalabag sa pagapatuman sin, ngaa yara sa gihapon ang korte nga magapamati sa reklamo kag magahimo sang angay nga akto.
Wala kita sang dapat nga kabalaka-an. Aton ugyunan ang katuyuan nga mapapas ang kalakasan kag mapanumbalik ang kalinong kag katawhay.
Dapat nga buylugan naton ang pag-away sa terorismo kag updan naton ang pagpatuman sang martial law nga amo ang kusog sang gobyerno sa pag-away sa nagatublag sa malinong naton nga pagsinarayo.
Kita tanan ang magabantay sa pagapatuman sang martial law, kita ang makakita sang nagakatabu nga senaryo, indi naton pag-unahan sang kahangawa ang mga sitwasyon, kag angay nga aton hangpon, aton nga intindihon agud kita ang masanagan sa nagakatabu sa karon.
Matuod, kon wala kita sang may ginahimo nga malain, kon wala kita sang iban nga intensyon ukon agenda, kon wala kita sang likom nga adbokasiya, ngaa magbatyag kita sang kabalaka?
Ang mga nahadlok sa kasanag magapabilin sa kadulom. Ang nagapangabuhi sa likom ang indi mag-atubang sa kasanag.
Aton nga tun-an kag buligan ang aton kaugalingon nga maathagan sa sini nga bagay, kita ang nahadlok bangud kulang sa paghangop./PB
[/av_textblock]
[/av_one_full]
