[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Empleyado sang kapitolyo positibo sa ilegal nga droga’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Wednesday, May 31, 2017
[/av_textblock]
[av_textblock size=” font_color=” color=”]
Syudad sang ILOILO – Nagpositibo sa pag-gamit sang ilegal nga droga ang isa ka empleyado sang gobyerno probinsyal sang Iloilo matapos ang drug testing sadtong Mayo 22.
Una nga nagpatigayon sang una nga hugnat sang symposium angut sa Dangerous Drugs Act of 2002 ang Human Resource Management and Development Office (HRMDO) sang kapitolyo kag pagkatapos nagkasar sang drug testing ang mga katapo sang Philippine Drug Enforcement Agency lipod sa ihibalo sang mga empleyado.
Sa kabug-osan nga 100 ka mga empleyado sang gobyerno probinsyal nga ginkuhaan sang urine sample, isa diri ang nagpositibo sa ilegal nga droga.
Pero namalibad si Alma Ravena, chief sang HRMDO, nga pangalanan ang nagpositibo sa drug test subongman wala ginsugid kon sa diin ini nadesignar nga department. Ang sigurado lang nga lalaki ini kag regular nga empleyado.
Bangod sini, nagpasalig si Provincial Administrator Raul Banias nga maga-akto gilayon ang gobyerno probinsyal kag sundon ang ano man nga regulasyon nga nakabutang sa kasugoan.
Hatagan man sang tsansa ang empleyado nga sekyaron kag usisaon ang resulta sang iya drug test paagi sa pagpa-idalom sini sa confirmatory test sa Metro Manila./PB
[/av_textblock]
[/av_one_full]
