[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Ano ang intensyon ni Alim?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
INSERT DATE HERE!
[/av_textblock]
[av_textblock size=” font_color=” color=”]
INDI MAHIMUTIG nga isa sa pinakaaktibo nga councilor sang syudad si Atty. Joshua Alim. Sang sya pa ang nagaserbe nga majority floor leader sang city council, makita na ang iya kaalam sa paghatag sang panindugan kag desisyon sa mga isyu.
Sang nag-aslum ang ila relasyon kay Mayor Jed Patrick Mabilog, ginkakasan sila sang committee chairmanships kaupod ni Councilor Plaridel Nava. Sa gihapon, mabati-an ang ila mga panindugan sa isyu.
Subong, mas nagtunog ang tingog ni Alim, mas naggahod sya sa konseho. Ini sa isyu sang mga proyekto sang Department of Public Works and Highways (DPWH) sa syudad nga wala sang koordinasyon sa local government unit kag ang problema sa Panay Electric Company (PECO) angut sa over kag undercharging sang mga bills sang mga konsumidor.
Sa sini nga mga isyu maathag nga ginapamilit ni Alim paagi sa konseho nga pasabton ang DPWH, contractors kag PECO sa ila kapaltahan. Sa makapila ka beses na nga nadala sa konseho ang problema sa implementasyon sang DPWH sang mga nationally-funded projects, wala man sang pagbag-o. Padayun nga ginabalewala sang DPWH ang syudad kag particular na ang konseho.
Maathag nga nakahibalo ang ahensya nga bisan mag-ano man ka wawaw ang mga konsehal asta na man lang sila dira. Maluwas lang kun magdesisyon sila magpasaka sang reklamo sa Office of the Ombudsman. Ang pinakamahimo sang mga konsehal amo nga ipatawag ang mga natungdan kag mamangkot. Pagkatapos sina ano dayun? The kun ma-pick up sang media kundi manami kay makilala ang tagpangapin sang mga imol kuno.
Sa ikaduha nga kahigayunan, ipatawag sa isa ka fact-finding sang committee on public utilities ni Councilor R Leone Gerochi ang PECO. Ini sabat sang ginpadala nga sulat ni Mayor Jed Patrick Mabilog sa konseho agud imbestigahan ang PECO sa ila ginaalegar kapaltahan.
Sa una nga sinapol wala nagtambong ang PECO. Panindugan ni Mikel Afzelius, ang corporate communications officer sang PECO, nasabat na nila ang mga isyu sang una nga ginpatawag sila sang konseho sa isyu sang over billing kag under billing. Teh, kay wala nagtambong ang PECO, ano ang nahimo kag pwede mahimo sang konseho?
Ipatawag ang PECO sa ikaduha nga hugnat sang fact-finding. Abanse nga ginpadala ni Gerochi ang palamangkutanon sa PECO. Indi magnubo sa 15 ka palamangkutanon ang luyag ipasabat ni Gerochi sa ila. Kun si Alim pa, gina-baby ni Gerochi ang PECO.
Pero may nagapamangkot: ano gid bala ang rason sang pagharog ni Alim sa PECO? Kawsa ukon politika?
Sa naggwa nga poison letter kontra kay Alim, nasaysay ang kuno kagarukan sang konsehal. Gin akusahan pa ini sang pamolitika sa isyu kontra sa PECO. Ano abi kay magapadalagan sya kuno sa mas mataas nga posisyon sa syudad. Mayor, bise mayor ukon kongresista? Ambot kun ano gid bala?
Sabat ni Alim, ginaguba lang sya sang PECO; wala ini sang kamatuuran. Luyag lamang sya gub-on bangud sa lehitimo nga isyu nga iya ginadala.
Yes makasiling kita nga ginaguba sya. Pero, honestly, kawsa gid man bala ukon may politika?
Asta sa diin bitbiton ni Alim ang kawsa sang publiko? Base magpuas lamang ang kalayo kun lipas na ang kainit sang isyu kag wala na sang media nga nagapamati.
Ano man ang intension, maayo man kay nabukaran ang problema sa PECO. Bisan paano, subong ang PECO madasig na magsabat sa problema nga ginapalambot sa ila.
Ikaw, ano ang panan-awan mo sa hulag ni Alim? (jfranco1975@yahoo.com/PN)
[/av_textblock]
[/av_one_full]
