[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | PAGPASIBANGUD’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
PAGPASIBANGUD
[/av_heading]
[av_textblock size=” font_color=” color=”]
Monday, June 19, 2017
[/av_textblock]
[av_textblock size=” font_color=” color=”]
Nalipasan na sang panahon. Pila na ka pasalig ang wala natigayon. Madamo na sang paghinakas ang napaslawan. Madamo na sang nauyang nga tion kag kusog.
Nagapabilin nga hilway si Richard Prevendido. Nagapanago sa lugar nga indi matumod. Napahunay-hunay sa doog nga wala sang may makatultol. Bisan pa nga madamo sang nagapangita sa iya. Madamo ang nagahingamo nga madakpan sia kag mapasabat sa akusasyon nga ginapangatubang niya.
Napaslawan man sadto si PRO-6 Director Chief Superintendent Jose Gentiles nga mapasungka ukon madakpan si Prevendido bisan pa nga ginasiling na niya nga pasakyon ini sa awto punebre. Nagbiya lang sa PRO-6 si Gentiles apang si Prevendido ang nagabangiris bangod nga wala nakadulot ang bangkil ni Gentiles sa iya kag padayon sia nga hilway kag buhi.
Sa tunga sang kapaslawan sang kapulisan nga madakpan si Prevendido, nagtuhaw ang pahayag ni PDEA-6 Assistant Regional Director Levi Ortiz nga posible gina-amligan sang CPP-NPA-NDF si Prevendido rason nga mabudlay dakpon. Ginapasipangdan sini nga nagahatag sang protection money si Prevendido sa ila grupo agud nga hilway ang iya paghulag, wala sang sablag kag wala sang dapat kahangaw-an.
Indi ayhan ginakapoy na si Ortiz sa pagpalibog kon paano madakpan si Prevendido? Indi ayhan nadulaan na sia sang paglaum nga mapasungka ini agud nga mapabugal sa matag-as nga opisyal nga nakwa nila ang nagapanguna nga high value target?
Gina-aku bala ni Ortiz nga wala na sia sang ikasangkol sa pagdakop kay Prevendido? Patimaan bala ini sang iya kapaslawan? Patimaan bala ini nga natapna na ang iya tikal kag pabugal kag nagaluhod sia sa kamatuoran nga si Prevendido lang ang iya katapat?
Napamangkot na bala ni Ortiz sa iya kaugalingon kon ngaa mabudlay dakpon si Prevendido? Napaminsar na bala niya kon ngaa indi nila matultolan ang iya ginapanagoan? Ginasiling nila nga diri man lang sa isla sang Panay nagahukmong si Prevendido apang indi nila matumod kon diin sia nagapanago.
Nagpahayag na ang CPP-NPA-NDF nga nagasupak sa sugilanon ni Ortiza. Ila ginpanginwala kag nagpa-athag kon ngaa lunsay pagpatu-patu lang ang ginahimo ni Ortiz batok sa ila.
Maathag nga wala sang basehan si Ortiz kundi lunsay haum-haum lang kag bunga lang sang iya sutil nga panimuot ang iya pagpasibangod. Ginhimu niya nga tapalan ang iban sa katuyoan nga malikaw sia sa pag-abaga sang iya kapaslawan. Mahuyang nga sahi sang lider si Ortiz. Nabuyo sia sa iya naandan nga gawi. Nalingaw sia sa pagwakal kag pagtikal sang iya ikasarang.
Napanangkot na bala ni Ortiz ang apat ka haligi sang iya opisina kon may yara sang nagatraydor sa iya? Ukon may kahimbon bala si Prevendido sa ila opisina nga mahimo magtimbre sa tion nga ila ginaplanuhan nga korneron ini?
Mabudlay pangitaon ang isa ka bagay nga kitaon. Mabudlay dakpon ang yara na sa imo luyo. Mabudlay maglagas kon indi mo luyag magdalagan. Mabudlay maglantaw kon nagapiyong ang mata.
Tion na nga lantawon sang PDEA Central Office ang ginahimo sang iya mga opisyales sa PDEA-6.
Dapat tukibon kon ano ang ila ginagawi kag ang motibo sang ila pagpasibangud.
[/av_textblock]
[/av_one_full]
