[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Dapat pangamuyuan ta ang presidente’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, June 20, 2017
[/av_textblock]
[av_textblock size=” font_color=” color=”]
NGAA bala dapat pangamuyuan ta ang Presidente? Kinahanglan bala nga bisan oposisyon ka pangamuyuan mo man ang Presidente?
Sa subong nga panahon, madamo ang nagakatingala ngaa indi na makita sa publiko ang Presidente. Nakuntento na lang sa pagpaggwa sang mga laragway ang Malacañang nga nagasiling nga ara sa mayo nga kahimtangan si President Rodgrigo Duterte. Busy sya sa paper works kag nagapahuway lang.
Pero ngaa bala nga nagakabalaka gid kita kun indi mayo ang pamatyagan sang Presidente? Halos wala ta gani ginasapak ang atun na gid himata nga daw mamusdok na sa higad sang iya ginabatyag. Ngaa mas nabalaka ka sa Presidente?
Ang Presidente amo ang lider sang pungsod. Pareho sa Pilipinas nga presidential ang aton porma sang gobyerno, ang disabled ukon balati-anon nga President makatalagam sa siguridad kag kabakod. Ini bangud nga madulaan sang lider nga nagamando sa tanan nga talatapan sang gobyerno.
Ang President amo ang Commander-in-Chief sang military kag pulisya. Kun baldado ang President sin-o ang magapaggwa sang mando? Indi man basta lang ang Bise Presidente, Presidente sang Senado, Speaker sang Kamara ukon Chief Justice sang Korte Suprema. Kritikal ang pagpasiguro nga mayo ang panglawason sang President bangud diri nasandig kun ano nga klase sang desisyon ang iya mahimo sa mgaproblema ukon programa sang pungsod.
Dapat masigurado nga ara sa husto nga paminsaron ang Presidente agud tama man ang iya pag-uyat sang renda sang gobyerno. Kun disabled ang Presidente awtomatiko nga magapungko ang Bise Presidente bangud sang rule of succession.
Kun basehan ang karon nga sitwasyon delikado ini nga senaryo. Dugangan pa nga madamo sang mga sumalakdag ni Duterte ang indi gusto kay VP Leni Robredo. Mapasugot ayhan sila nga sa amo lang na kahapos mangin President ang balo?
Samtang ginamando sang tradisyon kag kasuguan nga dapat mahibaluan ang matuod nga estado sang ikaayong lawas sang Presidente, indi man basta lang mabuyagyag ang iya kahimtangan kun medyo kritikal bangud makaapekto ini sa stability kag kasiguraduhan sang pungsod.
Ang mahuyang nga lider magaganyat sang mga sakon sa poder nga ibutang ang ila kaugalingon sa liderato. Ini ang hitabu nga luyag naton punggan.
Pero kun matuod nga indimaayo ang pamatyag sang Presidente, kinahanglan gid bala nga ibuyagyag ini? Ukon mahipid ang pagpalapnag sang impormasyon agud indi makatuga sang panic ilabi na may nagakatabu sa Marawi City sa Mindanao nga mahimo makalusot diri sa Iloilo.
Bilang politico kag ordinary nga tawo, dapat pangamuyuan naton si President Duterte. Indi kita magpasugot nga hinali lang mautod ang iya liderato. Paminsara ang palaabuton sang Pilipinas kun madula ang Presidente nga may kaangay nga estilo kay Duterte?
Bangud sini, sabaylo nga magkondinar, abi pangamuyu-an ninyo ang President. Mangamuyo kita sa madasig nga pag-ayo ni Duterte para sa kaayuhan sang aton pungsod.
Ang mayo nga panglawason sang President benepisyo naton tanan. Pahigad anay ang pulitika, tingub kita nga magpangamuyo para sa Presidente. (jfranco1975@yahoo.com/PN)
[/av_textblock]
[/av_one_full]
