[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAG-ILOY GINLABU BANGOD SA TSISMIS’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Monday, June 26, 2017
[/av_textblock]
[av_textblock size=” font_color=” color=”]
Syudad sang ILOILO – Ginabulong pa subong sa Western Visayas Medical Center ang mag-iloy matapos nga ginlabu sa banwa sang San Miguel, Iloilo ala-1:10 sang hapon kahapon.
Ginkilala ang mga biktima kanday Lalaine Buensoceso, 47, kag anak sini nga si Prince Russel, 19, sang Balasan, Iloilo apang temporaryo nga nagapuyo sa Brgy. San Jose, San Miguel.
Sa inisyal nga imbestigasyon sang Sang Miguel PNP, ginpahayag ni PO3 Glenn Gasapo nga una nga naghulam ang agi nga anak ni Lalaine sang portable DVD sa asawa sang suspek nga si Gil Marin, 37, sang amo man nga lugar.
Ginpahayag nga wala nagpahulam ang asawa ni Marin sang ila DVD player gani gin-alegar nga ginhambalan nila nga suplada ang babaye.
“Naghulam kuno DVD player ang isa ka bata ni Buensoceso sa asawa sang suspek. Nakabati sang tisismis si Marin nga ginhambalan sang mga Buensoceso nga suplada ang iya asawa gani ginkomprontar niya ini sang aga kag sang hapon nagkadto sa balay ni Marin si Buensoceso kag ginsukmatan ang suspek,” kumpirmasyon ni Gasapo.
Samtang ginakomprontar ni Buensoceso si Marin, hinali lang nagkuha sang busungan nga kutsilyo ang naulihi kag ginapasuni nga gingulgol ang liog ni Buensoceso apang bangod indi surab sang kutsilyo ang nagamit sang suspek, wala napilasan ang biktima.
Apang ginsundan pa gid ini ni Marin sang labu sa ulo sang biktima. Sang nakita sang anak nga si Prince Russel ang natabo, gilayon ini nga nagpuli apang pati sia ang ginlabu man ni Marin sa diin naigu sia sa ulo kag wala nga butkon. Nagpangapin naman ang isa pa ka anak ni Buensoceso nga si Efren nga naglabu man sa ulo ni Marin.
“Pareho nga ara sa ospital ang magnanay nga Buensoceso kag ang suspek nga si Marin. Arestado naman kag priso subong diri sa estasyon si Efren,” dugang pa ni Gasapo./PB
[/av_textblock]
[/av_one_full]
