[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! | Reklamador’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]
[av_textblock size=” font_color=” color=”]
Thursday, June 29, 2017
[/av_textblock]
[av_textblock size=” font_color=” color=”]
PERSONAL ko nga nasaksihan ang pagkusmod sang dalaga kag pagsinuplada sang big-time nga matrona sa isa ka mall.
May lalaki man nga nagtaas ang tingog kag agi nga nagwarwara sang ginbuksan sang security guard ang ila bag.
Siling sang sekyu, pasensya Ma’am kag Sir, security protocol lang.
Baw, impressed much me kay naka-Ingles si sekyu. Pero ang mas nakapataas sang pressure sang akun dugo amo ang mga reklamador nga nagasulod sa mga malls ukon establesemento nga ginapaidalum sa maid-id nga security frisking.
Siling pa sang lalaki nga macho, nga-a kilala mo ang bomba? Sabat sang sekyu, may training man kami sa pag-identify sang bomba.
Base sa akun nakita nga mga senaryo, maathag nga nahikay ang mga tawo sa kapasidad sang sekyu. Maathag man nga natak-an sila nga ginapaagi sa hugot nga siguridad. Reklamador gid.
Pero ari ang pamangkot: Sa diin ka mas mahul-an? Ang madalahig ka sa katunto sang mga extremists ukon na-delay ka lang sa pagsulod sa mall bangud sa security check?
Reklamador gid kita bisan pa nga ini para sa aton kaluwasan. Mareklamo kun himuon, mareklamo man kun indi! Damn if you do, damn if you don’t!
Sa nagakatabu subong sa atun pungsod, wala kita sang rason nga mangin kampanti. Wala kita sang rason nga magsalig sa atun siguridad. Ang kinahanglan subong amo ang maid-id nga security protocol.
Ikaw, antes ka magreklamo, ano ang imo nabulig para sa kalinungan sang atun lugar? May natabang ka bala agud mangin hilway sa makahas nga tawo ang imo lugar? Ukon base nagahipos ka man lang apang una pa nga magpamasol sa aton gobyerno kag otoridad?
Ang problema sa mga Pilipino kay reklamador. Reklamador nga wala man sang nabulig kundi ang magpakamalaot. Kag ang mas malala pa kay kun makapakalamaot sa iban pamatyagan nila sila na ang matarong. Kaangay nga nagatus-on sila sang pagkabalaan gikan sa Dyos, apang ang landong, makita ang malaba nga sungay.
Ay nugay nyo ako ah! Daw sin-o gid abi nga mga matarong! Imbes nga magkondinar, abi magbulig. (jfranco1975@yahoo.com/PN)
[/av_textblock]
[/av_one_full]
