[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Saligan ta ang mga pumuluyo sa pagboto batok sa durugista’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Saturday, July 1, 2017
[/av_textblock]
[av_textblock size=” font_color=” color=”]
WALA dapat kulbaan si Presidente Rodrigo Duterte nga ang mga durogista nga mga opisyales sa barangay madaug gihapon sa natalana nga Barangay kag SK eleksyon sa Oktubre 2017. Segurado indi ina sila magdaug sa sining eleksyon.
Ang padayon nga mataas nga “social rating” ni Presidente, nga tubtub subong wala naganubo sa 75%, maathag nga pamatuod ini nga ang mga pumuluyo nalipay sa iya away sa droga kag kriminalidad.
Tungod sini, nga bisan indi pa itulod sang Duterte administration, segurado nga maboto ang mga pumuluyo sa mga kandidato nga indi naangot sa droga.
Labi na gid kon ang mga pulis hayag man nga mabulig, katulad sang ila ginahimo subong, sa kampanya batok sa sining mga durugista bilang kabahin sang pumuluyo nga naga-kontra sa mga salot nga ini. Segurado man nga mabulig kampanya ang mga lokal nga opisyales nga ga-upod sa away batok sa droga.
Ang indi pagsalig sa mga pumuluyo agud sikwayon ang mga durugista nga mga kandidato makapalain pa gani. Basi magsunggod pa ang mga pumuluyo sini nga makapahuyang pa gani sang ila pagsuporta sa kay Digong.
Daw pareho lang ina sa pagdula nga wala sa lugar sang pagsalig sa nobya ukon asawa ta nga gapalangga gid sa aton, nga makapahuyang sang aton relasyon kag basi halinan pa sang pag-away kag pagbulagay nga pagahinulsulan naton.
Samtang, pila ka petisyon ang yara sa Manubo nga Panalgan sang Kongreso agud ipaiway ang eleksyon sa barangay kag Sangguniang Kabataan sa tuig 2020 para maseguro, sa ila pagpati, nga indi makasal-ut ang mga durugista sa mga magadalaug. Mas gusto nila nga i-appoint lang ang mga barangay officials pagkatapos sang ila termino sa Oktubre 2017.
Sa isa ka bahin, gina-suporta ni anay Senate President Aquilino “Nene” Pimentel Jr., ang author sang Local Government Code kag amay sang karon Senate President Aquilino Pimentel III, ang indi pag-postpone sang eleksyon sa barangay sa Oktubre 2017.
Siling niya nga indi dapat i-sacrificio ang proceso electoral sang aton demokrasya nga nagahatag poder sa mga pumuluyo sa pagpili sang ila mga lideres.
Makapalain ini sa aton demokrasya, dugang pa gani niya. Ining natalana nga eleksyon sa barangay sa Oktubre 2017, ginsiling niya, ginpaiway na gani halin sadtong Oktubre 2016, kag ang pagpa-postpone pa gid halin sa Oktubre 2017 labi pa gid ini makapahuyang sang aton demokrasya nga makatulod sa aton pakadto sa diktadurya, katulad sang panahon ni anay President Marcos.
Biktima sang martial law si Nene Pimentel kag nahibal-an niya kon ano kapintas ini nga indi niya luyag masulit.
Samtang, sunu sa confirmed statistics sang Philippine Drug Enforcement Agency (PDEA), PNP kag NBI – Hulyo 1, 2016 tubtub Marso 31, 2017 – may 9,432 na ka kaso sang homicide (pagpatay) angot sa droga.
Mga 1847 lang ugaling ang drug-related ukon naangot sa operasyon sang mga otoridad, kag mga 1,894 ang indi naangot sa droga, samtang 5,691 under investigation pa.
Ang mga kaso homicide nga wala naangot sa operasyon sang otoridad ginatudlo sa mga kaaway nga grupo durugista kag sa mga vigilantes nga sa ila kaugalingon nga paagi gapamatay sang mga durugista sa gwa sang kasuguan.
Ang pila sining mga durugista gina-suspetsuhan gani nga pinamatay sang mga death squads, nga gintukud mismo sang pila ka pulis sa ila desperasyon sa kahuyang kag korapsyon sa aton korte. Padayon ini sila nga yara sadto sa gwa kag sa gihapon nagapang-biktima sang mga pumuluyo.
Ang mga under investigation nga 5,691 nagalakip sa kaso murder, nga nahulog sa homicide (wala ginplanuhan nga pagpatay), batok sa pila ka pulis nga ginpangunahan ni Supt. Marvin Marcos angot sa pagkapatay ni anay Albuera (Leyte) Mayor Rolando Espinosa.
Si Espinosa nahunong sadto sa sub-provincial jail sang BayBay City sa Leyte sadtong Nobyembre 5, 2016 sang ginpatay siya kaupod ang isa pa ka priso./PB
[/av_textblock]
[/av_one_full]
