[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay na-anod sang baha, mag-amay patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Monday, July 3, 2017
[/av_textblock]
[av_textblock size=” font_color=” color=”]
Syudad sang ILOILO – Wala gid matabangan ang mag-amay nga lunsay napatay sang na-anod sang baha kaupod ang ila payag-payag nga gina-istaran sa Barangay Alcantara, Lemery, Ioilo alas-11:30 sang Biyernes sang gab-i.
Una nga nasapwan ang bangkay sang amay nga si Ricky Ortega y Ropera, 42, nga nagakaya kag hublas sa suba takna alas-sais sang aga sang Sabado.
Makaligad ang pila ka oras, nakita man ang bangkay sang iya 14-anyos nga bata nga si Jerry Ortega sa Brgy. Alcantara, Lemery.
Maswerte naman nga naka-uyat sa balagon sa kahoy ang isa pa sini ka bata nga si EJ Ortega, 11, rason nga wala nalumos.
Sunu kay Senior Inspector Elmer Villaroel, hepe sang Lemery PNP, nagakatulog ang mag-amay sa ila payag nga nahamtang sa higad sang suba sakop sang Sitio Libongcogon, Brgy. Layogbato, Lemery sang gulpiyada lang nagbubo ang mabaskug nga ulan.
Bangod nga mahamuok ang ila pagtulog, wala gid nila nabatyagan ang pag-anod sang tubig-baha sa ila payag.
Sa karon, ang bangkay sang mag-amay yara na sa isa ka punerarya samtang gina-atipan naman sang iya tiya si EJ./PB
[/av_textblock]
[/av_one_full]
