[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 ka durogista tiklo sa Bacolod ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Monday, July 3, 2017
[/av_textblock]
[av_textblock size=” font_color=” color=”]
Syudad sang BACOLOD – Arestado ang apat ka gina-alegar mga durogista sa separado nga operasyon sang pulis sa mga barangay Handumanan kag Mansilingan diri sang Biyernes sang hapon kag Sabado sang kaagahon.
Ang apat ginkilala nga sanday Silverio Cabuas Pat Jr. alyas Nonoy, 37, naga-istar sa Purok Pahu, Phase 3 sa Brgy. Handumanan; Winnie Demonteverde Bigcas, 39, may asawa kag taga-Paglaum Village, Brgy. Mansilingan; Noel Antonio Caribala, 40, sang Purok Ceresa South sa Brgy. 3; kag Ferdinand Mabascog Tutop, 38, kag taga-Purok Ceresa South, Brgy. 3.
Si Pat nadakpan mga ala-una ang takna sang hapon sang Biyernes sa Block 13, Phase 4 sa Brgy. Handumanan sang mga katapo sang Police Station 10 sa pagpamuno ni Senior Inspector Ramel Bustamante. Nakuha sa iya paghinakop ang isa ka gamay nga pinutos sa plastik sang ginapasuni shabu kabaylo ang P200, drug paraphernalia kag apat pa gid ka elongated heat-sealed transparent plastic sachets nga naga-unod sang ginasuspetsahan shabu.
Samtang sa ginkasar naman nga buy-bust sa Paglaum Village, Brgy. Mansilingan, na-aresto sa isa ka balay mga alas-12:30 sang kaagahon sang Sabado sanday Bigcas, Caribala kag Tutop.
Gindakop sila paagi sa City Drug Enforcement Unit sang Bacolod City Police Office sa pagpamuno ni Inspector Adrian James Albaytar kag upod man ang Police Station 7 sa idalom ni Chief Inspector Charles Gever.
Nakumpiskar kay Bigcas ang isa ka pinutos sa plastik sang ginapasuni shabu sa baylo sang P300 nga kwarta.
Samtang nakuha naman kay Caribala ang isa ka daku nga pinutos sa plastik sang gina-alegar shabu.
Priso na subong ang apat ka mga arestado kag natalana pasakaan sang nagakaigu nga kaso./PB
[/av_textblock]
[/av_one_full]
