[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ ‘Drug courier’ ni Prevendido, tiklo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Natikma sang mga otoridad ang ginapasuni drug courier sang ginatudlo drug lord sa rehiyon 6 nga si Richard Prevendido pinaagi sa buy-bust operation sa Barangay Calaigang, San Rafael, Iloilo alas-10:30 sang Sabado sang gab-i.
Ginkilala ang suspek nga si Ruel Deocampo y Elosindo alyas Kano, 32, kasado kag residente sang Brgy. Calaigang, San Rafael.
Sa impormasyon nga ginhatag sa Panay Balita ni Chief Insp. Charlie Sustento, hepe sang Ajuy PNP kag lider sang Provincial Drug Enforcement Unit Team 3, nagkasar sila upod ang San Rafael Police Station sang buy-bust operation kontra kay Deocampo.
Tigayon nga nabaklan ang suspek sang poseur buyer sang isa ka plastic sachet sang ginapatihan shabu balor P700.
Nakumpiskar diri dugang ang anum ka mga plastic sachets sang ginasuspetsahan shabu, isa ka unit sang .38 revolver nga wala sang serial number kag lima ka mga bala, isa ka unit sang 12 gauge shotgun pistol type, kag drug paraphernalia.
Nag-gwa pa sa report sang kapulisan nga si Deocampo ginapasuni nga drug courier ni Prevendido nga madugay na nga naga-operate sa quinto distrito sang Iloilo.
Sa subong nahunong na ang suspek sa karsel sang San Rafael Police Station kag natalana kasohan sang pagbayolar sang Sections 5 kag 11 sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
