[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Babaye gintiro sang riding-in-tandem sa Negros ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang 47-anyos nga babaye matapos nga ginluthang sa Barangay McKinley, Syudad sang Guihulngan, Negros Oriental mga alas-5:15 ang takna sa aga sang Sabado.
Ginkilala ang biktima nga si Estreleta Templado Estandarte, may bana kag naga-istar sa nasambit man nga barangay.
Sunu sa iya upod nga si Fe Callora Bontigao, nagalakat sila sa national highway padulong sa merkado sang gindulogan sila sang motoriklo nga may sakay nga duha ka tawo nga nagasuksok jacket kag helmet.
Sa wala mahibaluan nga rason, sunu kay Bontigao, gintiro sang mga naka-motor ang biktima nga naigu naman sa ulo kag batiis.
Gindali-dali pa dala si Estandarte sa Governor William Billy Memorial Hospital apang ginlawag patay pag-abot didto sang nag-atendir nga mga doktor.
Sunu pa sa testigo nga lima ka asud-asod nga mga lupok ang nabatian kag gilayon man nga nagpalagyo ang mga suspek padulong sa norte nga direksyon.
Narekober naman sang mga pulis sa duog sang insidente ang tatlo ka mga basiyo sang kalibre .45 nga pusil nga ginapatihan gingamit sa pagtiro sa biktima.
Samtang ginasulat ini nga balita, padayun pa nga gina-usisa sang mga pulis kon ano gid ang motibo sang pagtiro sa biktima./PB
[/av_textblock]
[/av_one_full]
