[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=’18’ font_color=” color=”]
“GINA-abi-abi ko gid ang pag-assign ni Chief Inspector Jovie Espenido diri sa Iloilo, although wala pa nabal-an kon sa city or sa province.
“Naga-laum ako nga mabuligan kita ni Chief Inspector Espenido nga lubos nga matapna ang problema sa illegal drugs.
“Sigurado may matun-an kita sa iya experience sa pagpakig-away sa droga, ilabi na sa pagtukib kon sin-o ang bag-o nga players kag kon sa diin ini sila nagapanago.
“In the City of Iloilo, I will share with him our own strategies and compare notes on how to win this war at the barangay level.
“Bukas pirmi ang aton pa-ino-ino sa mga ideya kon paano pa gid mahugot kag mapabaskog ang aton kampanya batok sa illegal drugs.
“I look forward to working side by side with Chief Inspector Espenido as the President’s point-man in the battle against illegal drugs in Iloilo, both city and province.” – Mayor Jed Patrick E. Mabilog
Ang bug-os nga sabat ni Mabilog sa assignment ni Espenido sa Iloilo nagapakita nga wala nahadlok ang alkalde.
Maybe, may kahangawa man sya kay kaangay sang iban basi mangin biktima sya kag ang iya pamilya sang pagtanum sang ebidensya. Apang para sa isa ka Christian, siguro makasiling ang alkalde sa kaugalingon nga kadampig sang Iloilo ang Ginoo.
Pero ngaa mahadlok ka bala kay Espenido kun husto man lang ang imo ginahimo?
Sin-o bala si Espenido?
Sya ang hepe sang gin-operate kag nagkalamatay ang mayors sa Albuera, Leyte kag Ozamiz City. Buot silingon may track record sya sang pagpamatay sang mga ginpanglawag sang iya amo nga si President Duterte nga mga protectors sang illegal nga droga.
Ugaling kun tan-awon tuman ka layo ang sitwasyon sang Iloilo kun ipaanggid sa duha ka mga lugar. Amo nga makapamangkot man kita kun bala husto ang ginaduhol nga sugilanon sang mga pulis kay Duterte kag kun sin-o man nga malapit sa President.
Kun tan-awon sa positibo nga bahin, maayo man ina nga salaligan gid ni Duterte ang ma-assign diri sa Iloilo agud makita n’ya kun ano ang matuod nga nagakatabu sa syudad. Sigurado nga kun ano ang iduhol n’ya nga impormasyon sa iya amo, mapatihan sya. Luwas lang kun sarado na ang utok sang tigulang.
Maayo man nga ari si Espenido agud sya mismo ang makasugid nga ang Iloilo mas matawhay pa sang sa Davao. Nga ang Iloilo mas may programa kontra sa ilegal nga droga. Nga sa Iloilo indi na kinahanglan nga magpatay agud matadlong ang mga nagasipak sang banas nga durogista. Nga sa Iloilo ang mga tawo nagatuman sa kasuguan kag nagatahod sa kinamatarong sang tagsa-tagsa.
Pang-abi abi kay Espenido kay kun wala ka sang ginahimo nga malain, ngaa abi mahadlok ka sa iya?/PN
[/av_textblock]
[/av_one_full]
