[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CANIESO ‘OUT’ SA ICPO, ESPENIDO ‘IN’ SA PRO-6 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Kadungan sang pag-assign ni Presidente Rodrigo Duterte kay Chief Insp. Jovie Espenido sa Iloilo sang Lunes, gin-relieve man sa puesto si Senior Supt. Remus Zacharias Canieso bilang director sang Iloilo City Police Office (ICPO).
Ginkumpirmar mismo ni Canieso sa mga katapo sang medianga nabaton na niya kahapon ang mando nga naga-relieve sa iya bilang director sang ICPO epektibo sang Agusto 28.
Pagabuslan sia ni Senior Supt. Jesus Cambay Jr. nga amo pa subong ang deputy director for operations sang Police Regional Office 6.
Temporaryo nga magapungko si Cambay sa ICPO samtang wala pa sang magabulos sa ginbiyaan nga puesto ni Canieso.
Samtang, ginklaro ni Canieso nga ang pag-relieve sa iya kabahin lang gid sang promosyon matapos nga ginhatagan sia sang mas daku nga papel sa Autonomous Region in Muslim Mindanao bilang directorial staff chief.
Bangod naman sini, nagpasalamat si Canieso sa tanan nga mga nagbulig kag nagsuporta sa iya pagserbisyo sang masobra isa ka tuig sa ICPO.
Wala man sia nagapati nga ang pag-relieve sa iya may labot sa pag-assign ni Duterte kay Espenido sa Iloilo.
Matandaan nga sadtong Lunes, ginhambal ni Duterte nga sa Iloilo ang bag-o nga assignment ni Espenido para matapna ang problema sa ilegal nga droga kag mabal-an ang ginahimu nga mga tikang ni Iloilo City Mayor Jed Patrick Mabilog nga gina-alegar sang nauna nga nagaprotehir sa mga durogista.
ESPENIDO GINSAYLO NA SA PRO-6
Sa pihak nga bahin, base sa report sang Aksyon Radyo Iloilo, ginsiling ni Director Rene Aspera sang Directorate for Personnel and Records Management sa Campo Crame nga epektibo kahapon, gin-relieve man si Espenido bilang director sang Ozamis City PNP kag ginasaylo na sa PRO-6.
Pero magadepende kay Chief Supt. Cesar Hawthorne Binag, director sang PRO-6, kon sa diin sini ibutang si Espenido./PB
[/av_textblock]
[/av_one_full]
