[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Saturday, September 9, 2017
[/av_textblock]
[av_textblock size=’18’ font_color=” color=”]
MATUOD gid man ang hulubaton sang iban nga wala sia nangin President agud mangin lango-lango lang.
Ginatumod nila amo si President Rodrigo Duterte.
Sugod sang nagpangalagad sia bilang President sang Pilipinas linibo na ang napatay sa away kontra ilegal nga droga. Lakip na diri ang tatlo ka alkalde, mga konsehal kag iban pa nga opisyal sang barangay.
Nagtanom sa aton huna-huna ang iya ginsiling nga patyon ang suspek kun magbato apang kun indi magbato hatagan sang armas agud mapilitan nga magbato. Sa simple nga pulong, padihutan gid nga patyon ang ila target.
Ang syudad sang Iloilo nabutang sa sentro subong sang isyu sang ilegal nga droga. Halin sadtong Agosto 2016 tubtob subong nga tuig, wala na nakapahuway ang syudad sa atake sang President ilabi na ang pagdusdos kay Mayor Jed Patrick Mabilog. Naglambot pa sa punto nga i-assign ni Duterte si Chief Inspector Jovie Espenido sa syudad. Isa ka indikasyon nga luyag gid niya lagson si Mabilog. May tinaga pa sya nga pabalon kun bala mabuhi ayhan si Mabilog kun diri na si Espenido.
Bangud sini, nagpaggwa man sang pahayag ang alkalde kag ginsaysay ang iya mga nahimo sa away kontra sa ilegal nga droga. Gusto abi sang President nga makita kun may ginahimo gid man ang alkalde nga iya ginlakip sa narco-list.
Sa pihak sang maathag nga hinimuan sang alkalde sa pagsuporta sa programa sang administrasyon, maathag nga indi kuntento diri ang President. Indi kuntento bangud indi sya makapati ukon indi nya mabaton nga sala ang iya panan-awan sa alkalde sang syudad?
Hayag man nga bisan ano ang himuon sang alkalde wala ini ghinapatihan ni Duterte. Kaangay bala nga tanan nga hulag ni Mabilog sala. Naipit si Mabilog sa hulubaton nga “damn if you do, damn if you don’t.”
Siling sang mga netizens kuntani naghipos na lamang si Mabilog. Indi na magsabat sa baylo padayun na lang sang iya trabaho. Pero kun ang ti-ayon naman sang alkalde nga si Marivic Mabilog ang pahambalon, indi man matarong nga indi pagsabton ang mga kabutigan. Mahapos lang hambalon kun indi kita ang ara sa sitwasyon ni Mabilog.
Tuso ang President. Makahibalo sia magdala sang iya hampang. Dugangan pa sang mga sutsotiro nga nagaduhol-duhol sang mga sala nga impormasyon sa iya. Man madamo sang interesado sa syudad. Maathag man nga ang palapiyangak amo ang mga may interes man sa pamulitika sang syudad. Indi lang sila ugaling mag-ako.
Ako saludo sa kampanya ni Duterte kontra ilegal nga droga. Wala na sang President nga makasarang sang ginahimo subong sang President. Ang problema lang naggamit ini sa pamolitika sang iban. (jpranco1975@gmail.com/PN)
[/av_textblock]
[/av_one_full]
