[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ROBERTO ‘BERT’ LADERA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Paano magpali ang pilas kon ang kugan masami nga ginakakas? Anhon lang sang panahon ka bulong kon ang napilasan sa dalit nagaulon?
Madugay na nga ginasikway ang mga hitabu sadtong panahon sang Martial Law apang sa tagsa ka tuig padayun nga ginadumdom, padayun ang paghiwat sang hublag-protesta, padayun ang pagsinggitan sa karsada.
Kon may kasaypanan man nga nabuhat si anay Presidente Ferdinand Marcos, kontani aton na nga huna-hunaon nga nagtaliwan na sia, indi na sia makahambal agud makadepensa, indi na sia makapaathag, kag indi na sia makabati sang singgitan gikan sa dalan.
Ginasiling sang simbahan kag sa pagtulun-an nga ang nakasala angay nga patawaron, kondenahon ang kasal-anan kag indi ang nakasala, patawaron kag batakon ang nakasala.
Apang, lantawa ang nagakatabu, pila ka madre kag pari ang nagapanguna sa pagtililipon kag pagmartsa sa dalan, liwat nga ginadumdom ang kasakitan nga naaguman sa landong sang Martial Law. Sila nga dapat magpatawad kag mahimu sang Kristohanon nga hilikuton, sila pa ang nagabuhat sang supak sa ila ginatudlo.
Gingamit nila ang mga estudyante agud nga mapakita ang ila kaugot sa Martial Law. Ginganoy nila ang mga inosente sa ila kasakit, ila ginapaambit santu sa ila paghangop kag ginagiyahan sa dalan nga sayop.
Kon ang bulag guyuron sang bulag, indi ayhan sila magahugpaas sa pil-as?
Kontani una nga makamarasmas ang pila ka pari kag madre nga ang ila mga estudyante nagakabuhi sa karon kag sa palaabuton, kag indi nila paggapuson sa kadena nga nagagapos sa ila balatyagon.
Kaangay man sa pila ka mga grupo nga makawala, wala man untat ang ila pagmartsa sa dalan. Ginakondenar nila ang napatay na.
Nagalaum pa bala sila nga magasabat ang patay? Gina-antisipar bala nila nga masakitan ang kalag?
Kon ginakontra nila ang Martial Law kag indi nila luyag nga masulit, ngaa tagsa ka tuig ila ginasambit? Ngaa ila ginahanduraw? Ngaa ila ginagamit nga kawsa agud sa dalan makasalida?
Kon nakasala ang amay, pati bala asawa kag mga anak sini magaabaga sang pena? Kon ginakontra ninyo ang komunismo, nalipat kamo nga ang ina nga sistema ginapatuman sa North Korea nga isa ka pungsod nga komunista. Ang sala sang amay abagahon sang iya kaliwat, sila man ang pagapenahan.
Nagasupak man bala kamo sa komunismo, apang ang pagpabayad sa sala sang amay sa iya mga kaliwat ang maathag nga isa ka patakaran sang komunista.
Sin-o karon ang komunista kag diktador?
Samtang nagahulid kamo sa nagliligad, indi kamo makabangon agud nga sugataon ang masanag nga palaabuton.
Paano mo makita ang kasanag kon nagapanago ka sa kadulom? Paano ka maathagan kon sarado ang imo paminsaron?
Wala sang may makabulig sa tawo nga makaabante kon sa nagliligad sia ang komportable. Nasinggitan sia sang pagbag-o apang supak ang iya mga akto. Nahadlok sia nga mag-uswag sa kahangawa nga ang iya ideyalismo mawasaag.
Tubtob san-o kamo magakupo sa landong sang nagliligad?
Dapat atubangon mo ang kamatuuran, dapat bayaan na ang nakaligad.
Mag-ulikid ka sa palaabuton sang masunod nga henerasyon, dapat nga imo kakason ang gapos sang nakalipas./PB
[/av_textblock]
[/av_one_full]
