[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ P18-M pundo para sa Dinagyang 2018 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Naglab-ot sa P18 milyon ang ihatag sang pangulohan sang syudad nga pundo sa Iloilo Dinagyang Foundation Inc. (IDFI) para sa selebrasyon sang ika-50 nga tuig sang Dinagyang Festival sa Enero 2018.
Sunu kay kagawad Eduardo Peñaredondo, tsirman sang Committee on Appropriation sang Sangguniang Panlungsod, sa P18 milyon, diri kuhaon ang P15 milyon para ihatag nga subsidy sa mapasakop nga mga grupo sa Ati-ati tribes competition kag Kasadyahan Regional Festival.
Halimbawa, kon 10 ka mga grupo ang mapasakop sa Ati-ati tribe competition, nagakahulogan nga ang kada grupo makabaton sang tag-P1 milyon samtang P500,000 naman sa tribu nga mapasakop sa kasadyahan festival.
Sa bahin naman sang IDFI nga nagadumala sa aktibidad, nagalaum sila nga makatipon sang P30 milyon tanan nga pundo para sa ika-50 nga tuig sang selebrasyon sang Dinagyang nga hiwaton sa Enero 26 tubtob 28, 2018.
Angut sini, igalunsar ang ika-50 nga tuig sang Dinagyang Festival subong nga hapon sa Activity Center sang SM City Iloilo. Kadungan sini, ipakita sa publiko ang logo nga paga-gamiton sa selebrasyon./PB
[/av_textblock]
[/av_one_full]