[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
MAGASARUROT MATAPOS MAGBUTYOG
Naglipas na ang panahon sang matagsing nga huni sang tambor, sang matunog nga kinasadya kag nagapisik nga emosyon pagsaulog sang Dinagyang.
Nasundol na ang kisame sang kadalag-an, wala na sang lugar ang abantehan, nagakunol kag nagahana nga magbalik sa iya una nga kahimtangan.
Sa pila ka dinag-on nga naglipas madamo sang pagkilala, madamo sang pagbag-o, madamo sang ginpakita nga pinasahi sa pagpasundayag sang tagsa ka nagapasakop nga tribu. Nag-umpisa sa huyog, nagtipon kag nagbuylog, nag-isa ang komunidad kag naghimu sang pagpasundayag. Apang sa kalibutan sang kompetisyon, nagapanibabaw ang kapable kag nakahangop sa patakaran.
Kaangay sang asu nga ginpalid sang hangin, ang mga nagpanugod sang sini nga hilikuton ang amat-amat nga napanas, ginbuslan sila sang mga moderno nga konsepto kag mga pagsaot nga may kahulugan. Ang ila ginpasad nga kinaiya ginpanas sang kaalam kag pagtulun-an.
Matuod nga ang tanan nga bagay, samtang nagadugay, ang nagalas-ay. Masum-od na sa panamil sang masami nga nagatilaw kag ang tanan nga mapagsik ang nagaluya sa paglipas sang panahon.
Madamo na sang kadalag-an nga nabaton, ginkilala sa bug-os nga pungsod, ginahangla sa bug-os nga kalibutan kag madamo ang nagahandom nga sila ang makatambong sa kon paano magpasundayag ang Dinagyang sang Iloilo.
Nagadaku ang pondo nga kinahanglan, nagamahal ang materyales kag tuhay na ang konsepto rason nga mas garboso kag mas magasto.
Apang, sa pila ka tuig nga nakalipas nga wala untat ang hatag sang gobyerno sang syudad sang pondo sa Iloilo Dinagyang Foundation Inc. nagapabilin sila nga wala sang kwarta kag kon paminsaron halos pyirde pa sila.
Sa tagsa ka tuig, sige ang aton kinalipay apang paglipas sina amo man ang pagpanghayhay.
Ano ayhan ang rason kon ngaa wala sang pondo nga nauyatan ang IDFI? Sobra bala ang gasto kaysa sa gina-uyatan nga pondo gikan sa gobyerno kag gikan sa mga nagasakdag?
Nagakitid ang dalan padulong sa dagaya nga pondo sang IDFI bangud nga nagapang-alang-alang ang mga tagsakdag nga maghatag bangud sa indi nila lubos nga mapaathag kon paano ginagasto ang pondo kag wala sang kongkreto nga maipakita kon paano nila dumalahan ang kwarta nga sa ila ginatugyan.
Isa na lamang ka handurawon ang panahon sadto kon paano nagapaindis-indis ang mga kompaniya sa paghatag sang pinakadaku nga pondo agud nga mangin mayor nga tagsakdag sang Dinagyang. Nalugaw-an sila, mataas ang ila eksperktasyon apang manubo ang realisasyon nga naagom.
Nagapanglaghap sang pondo ang IDFI. Sa tagsa ka tuig ini ang mabatian gikan sa ila. Makul-aw na ang iwag, nagakapug-is na ang bugalon nga duag. Nalighot na ang tanan nga posibilidad kag nagakinahanglan sang pamaagi kon paano liwat nga mapapagsik ang nagaluya nga pagsaulog.
Ang tradisyon ginhangkat sang modernisasyon, ginhurma sang patakaran, ginguyod sang kompetisyon, kag gindala sa mataas nga lugar nga naga-isahanon.
Nagatigulang na ang Dinagyang, ginlamon na sang panahon ang iya kapagsik, nagapukol na ang matigdas nga pahayag, nagahubas na ang iya kapasidad, kag buron na ang iya paglantaw sa malayo.
Ang anuman nga butang, suno sa natural nga layi sang kalibutan, magasaurot matapos magbutyog.
[/av_textblock]
[/av_one_full]
