[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MADULOM NGA PALAABUTON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Ginalauman na ang wala sang kasayuran nga tingog sang konseho, libagon ang ila tono, kag nagasalangisag ang kaundan sang piyesa sang ila kawsa.
Kahibalo na kita sa umpisa pa lamang nga pila lang ang mangisog, pila lang ang magabitbit sang sang iwag nga makapasanag kag mga pulong nga makapaathag angut sa ginabukho nga pagpugong nga ma-renew ang prangkisa sang Panay Electric Company (PECO).
Kaangay sang una nga mga hitabu sang pagbun-ag sa kalibutan, masyado ka kumplikado, tuman ka peligroso kag puno sang pagpang-alang-alang ang paglantaw sa madangatan.
Kaangay man sang sugilanon sa bibliya nga ginpatudok sa aton – ang pag-atubang ni David kay Goliath – nga sa karon nga senaryo makita gid naton kon ano ka daku ang PECO kag kon ano ka ultimo ang nagasumpong sa iya kwarta, sa iya impluwensya, kag sa iya nga puersa.
Malutos ayhan sa tuman ka hapos ang mapag-on nga kasumpong? Malingkang mo ayhan ang madamo sang nagatukod kag nagapanimbang? Mapaatras mo ayhan ang nakapasad na sang daku nga kaharian nga napalibutan sang mabakod nga panagang?
Bisan ano ka tig-a sang balatyagon sang isa ka tawo, nagaabot ang higayon nga ini ang nagahumok kag ginalamon sang kaalwan kag pag-ulikid. Wala sang kaakig nga nagakabuhi tubtub san-o sa dughan sang tawo. Magasingkal sa makaisa apang magabugnaw sa malawig nga panahon.
Ini nga ang higayon sang PECO, ila nga amat-amaton tomo ang masingkal baga agud nga wala na sang magadabdab pa kag ila tal-usan sang mabugnaw nga paghaklo sang ginhawa.
Gikan sa mabugnaw nga pagdala sa kawsa, tubtub sa nagasalangisag nga mga panindugan kag libagon nga tono, makita sang Kongreso nga wala sang paghugpong kag ang pagpamalabag indi mapag-on.
Isa lang ang konseho sang syudad apang may tatlo ka magkatuhay nga panindugan. Maathag nga wala sang pag-ilituhog, wala sang pagbuylog kag wala sang dapat mapamatian nga tingog.
Ginapakita lamang naton nga isa ka impresyon sa mga nagadesisyon nga ang aton hulag diri sa syudad sang Iloilo makabig nga was-ag, nga ang pagpamalabag indi angay nga pamatian bangud magansal sa dulunggan kag wala sang may mahangpan nga sonata sa nagasalingasag nga plastar sang mga nota.
Mangin makahalam-ot ang aton syudad, may kaugalingon nga kawsa ang alkalde, may tatlo ka magkatuhay nga kawsa ang konseho, apang solomente nga nagaduso ang PECO.
Ano ayhan ang yara sa pinsar sang mga kongresista? Magalantaw ayhan sila sa sitwasyon nga ang mga Ilonggo wala sang paghiliusa sa isa ka kawsa?
Madamo na sang pilason, may mga pulitiko na nga nagisian sang korason, tuman kapait sang nadimdiman nga balatyagon kag mapintas ang kapalaran nga iya naagom, apang padayon sa gihapon ang pamulitika sang mga wala pasunaid sa banwa.
Samtang may mga pulitiko nga ginahimu nga palangabuhian ang puesto, madamo sang mga Ilonggo ang magabakho sang todo, maga-agunto kag sa kabuhi indi makaalgo.
Ang panindugan sa isyu tuhoy sa franchise renewal sang PECO isa ka salamin sa kon ano ang aton mga pulitiko kag kon para kay sin-o sila nagaserbisyo.
Nagatamwa ang madulom nga palaabuton./PB
[/av_textblock]
[/av_one_full]
