[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SA KUTSON NAGA-ULON
Mabudlay nga pagahalinon ang tawo nga komportable na sa iya nahamtangan, naga-ulon sa malum-ok kag sa iya naluyagan nga kahimtangan. Iya ginadepensahan ang iya sitwasyon agud nga indi sia makahalin kag maagaw sang iban.
Kahibalo kita nga ang pagbag-o amo ang ginasupak sang kadamuan, wala sang may maluyag nga sila ang matublag sa ila naandan nga gawi, kag wala sang may luyag nga mag-umpisa naman sa bag-o nga padugi.
Madamo sang nagapamangkot kon ngaa wala nagatuman si Fr. Boy Celiz sa mando ni Arsobispo Angel Lagdameo nga magasaylo sia sa parokya sang Barotac Nuevo.
Madamo man sang parokyano sang St. Anne Parish sa Molo ang luyag nga ipabilin sia sa iya parokya bangod sa madamo man nga rason nga ila nakita nga dapat indi sia maghalin sa iya nahamtangan.
Apang, si Fr. Celiz ang isa lang sa mga madamo nga pari sa idalom sang Archdiocese sang Jaro kag isa sia sa mga nalakip sa mga pagasayluhon, apang indi katulad sang iban, sia lang ang nagapahayag nga nagpadala sia sang sulat sa Vatican kag ang sabat iya ginahulat kag amo ang iya mangin giya sa pagbiya sa iya nahamtangan nga parokya.
Ano gid bala ang yara sa syudad sang Iloilo kag sa Distrito sang Molo? Ngaa nagapabilin ang buot kag panimuot ni Fr. Celiz? Magluwas sa sini nga mga rason, may yara pa gid bala sang iban pa nga mga mabug-at nga rason?
Madugay na nga pari sa palibot sang syudad sang Iloilo si Fr. Celiz. Nangin kabahin sia sang sektor nga nagaaamlig sa palibot, kaangay sang grupo nga nagasiling nga wala sang malain nga matuga ang pagpatindog sang coal-fired power plant, katapo man sia sang Iloilo City Peace and Order Council kag nangin aktibo sa mga hilikuton sa gwa sang iya nga parokya.
Masami man sia nga mabatian sa iban pa nga pagtilipon, ilabi na kon kinahanglan ang iya panan-awan sa pila ka mga bagay kag isyu nga naga-apektar sa mga polisa sang gobyerno kag sa benepisyo sang mga pumuluyo.
Nangin dalangpan man sia sang mga nagalindo-lindo ang paminsaron sa kon paano solusyonan ang isa ka palaligban.
Kaangay sia sang baston nga gina-uyatan sang mga nagapanglubaybay sa ila pagpanglakaton, nagahatag sang panimbang sa nagatikangkang, kag panukod sa mga daw matumba.
Apang, magluwas sa iya mga rolyo sa sosyudad kag sa iya parokya, may mga bagay pa gid bala nga ginakahamut-an sini nga amo ang nagatulod sa iya nga indi magbiya sa iya parokya?
May mga bagay ayhan nga nagatulod sa iya nga atrasaron ang pagsaylo niya sa Barotac Nuevo, ano ayhan ang yara nga nabilin sa parokya sang Molo.
Nagahilapit na ang Paskwa. Matupongan ayhan sang init sang Barotac Nuevo ang init sang Molo nga nagadabdab kag nagasumpong sa mabugnaw nga huyop sang hangin sa tagsa ka Paskwa?
Mangin malum-ok ayhan ang iya mangin kahimtangan sa iya pagasaylohan ipaanggid sa iya nga ginhalinan?
Madamo sang paminsaron nga mga posible nga rason.
Mabudlay magbiya sa pag-ulon sa malum-ok nga kutson./PB
[/av_textblock]
[/av_one_full]
