[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
DAPAT MAY MANABAT
Liwat naman nga nabutang sa kontrobersiya ang talatapan sang Philippine Drug Enforcement Agency (PDEA) 6 matapos nga napalagyohan sang isa nila ka priso.
Takna alas-nueve sang Miyerkoles sang aga sang naglumpat sa kudal sa likod sang PDEA-6 ang suspek nga si Reynaldo Cavintoy, 29, kag residente sang Barangay Veterans Village, City Poper.
Nahulog sa mga kamot sang PDEA-6 si Cavintoy sadtong Nobyimbre 15 sa isa ka boarding house sa Barangay Seminario sa distrito sang Jaro sang ila ini gin-raid kag nakuha ang ilegal nga droga nga nagabalor sang 460 mil pesos.
Magluwas sa iya, may iban pa nga mga persona man nga nalakip sa mga nadakpan sang mga katapo sang PDEA-6.
Nakapalagyo ang suspek sang sila, upod sa walo ka iban pa, ang ginpagwa sa ila karsel para kontani nga ipaidalom sa physical examination sa malapit nga crime laboratory sang Police Regional Office 6.
Nakakita sang higayon ang suspek rason nga nagdesisyon nga maglumpat kag magpalagyo nga tubtob sa karon wala pa nadakpan.
Nangin malinong kag kipot ang baba sang mga opisyales sang PDEA-6 angut sa sini nga insidente kag wala pa sang paathag gikan sa ila nga bahin.
Indi na bag-o para sa PDEA nga mapalagyohan sang ila kaugalingon nga mga priso nga yara sa ila kustodiya.
Sadtong Pebrero 2017, nakapalagyo ang 13 ka mga drug suspects sa PDEA jail sa sulod sang PNP Central Luzon sa Camp Olivas sa Pampanga.
Sa maayo nga palad, amat-amat nga nadakpan ang iban sa ila kag may iban man nga boluntaryo nga nagsungka sa bulig sang ila mga himata.
Ginlunsar man ang imbestigasyon angut sa kon sin-o ang may kapaltahan sa ila pagpalagyo paagi sa paglagari sa baral nga salsalon.
Sadtong Hulyo 2003, naglinahay man sa paglighot ang mga ahente sang PDEA agud nga madakpan liwat ang drug trafficker nga nagapalagyo gikan sa Camp Crame samtang nagaluntad ang Makati mutiny.
Nakapalagyo ang suspek pagwa sa Camp Crame sang sia ang nabilin nga naga-isahanon, naggwa sa opisina kag bitbit ang folding bed kon sa diin sia nakaposas.
Pila lamang ini sa mga hitabu kon sa diin apisar nga tumalagsahon nga nagaluntad apang makatuga sang tap-ing sa imahen sang PDEA sa kon ano nga sahi ang ila pagdumala sa mga priso nga yara sa ila kustodiya.
Lunsay nakatuon man sila kon paano mag-uyat sang mga priso apang indi malipod nga kon kaisa nagakabuyo sila sa ila hilikuton kag nagakalipat nga ang yara sa ila kustodiya nagapangita lang sang angay nga higayon agud nga makabiya sa ila kustodiya.
Nagasandig sa mga katapo sang PDEA kon paano nila hugton ang pagbantay kag kon paano nila dalukan sang higayon ang mga priso nga makakita sang buylo agud nga makapalagyo.
Dapat tandaan nga umpisa nga nasulod ang priso sa karsel, sa una nga adlaw sang iya pagkahunong sia ang nagapaminsar na kon paano makagwa ukon paano makapalagyo.
Dapat mabalik sa karsel ang nagapalagyo kag mapenahan ang mga lay-od nga bantay sang priso, dapat may yara sang manabat./PB
[/av_textblock]
[/av_one_full]
