[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
MANAYA-NAYA NGA MGA PLAZA
Madamo sang nagadayaw sa kahimtangan sang mga plaza saS sang Iloilo. Madamo man sang nanibag-o bangod nga karon lang nabatyagan nga nagligwa ang mga plaza nga hilway sa madamo nga baligya sa sulod kag sa palibot.
Umpisa nga nagpanindugan si Mayor Jose Espinosa III nga indi sia magtugot sa mga manugbaligya nga magnegosyo sang ila mga ukay-ukay, nagnuto ang tanan kag nagmanton sa pagsunod sa patakaran nga ginapatuman.
Apisar nga madamo sang nagahingyo sa city government nga makabaligya, nagapakig-angut sa mga punong barangay kag sa ginapatihan mga may impluwensya nga makapabag-o sa desisyon sang alkalde apang sa gihapon nangin mapag-on ang desisyon nga indi pagtugotan ang pagbaligya sang ukay-ukay.
Natigayon gid man ang kapistahan sang pila ka distrito sa syudad nga wala napasiradohan kag nanegosyohan ang plaza. Nakalampuwas ang paghiwat sang piyesta nga wala sang naandan nga mga kahiwatan.
Naglutaw ang kaanyag sang mga plaza bangod naponehan sang mga masanag nga iwag nga nagakabit sa mga puno sang kahoy. Madamo sang nagalagaw sa plaza bangod masanag na, malayo sa posibilidad nga may magaluntad nga insidente, ukon may magapamentaha nga malain nga elemento.
Napaiway na ang kagutok sa palibot sang Jaro plaza bangod wala na sang may nagaputos nga mga kiosko nga nagabaligya sang mga prutas, mga tanom kag mga palupok. Matawhay ang ilig sang trapiko kag mapaiway ang huol sa mga pasahero.
Tuhay na ang sitwasyon nga mabatyagan sa paglabay sa Jaro plaza. Makabig man nga daw indi mabatygan ang esesnsya sang panahon banged nga wala sang naandan nga makita sa palibot sang plaza.
Nadudla na ang gobyerno sa mga natabu sadto kon sa diin naglupok ang isa ka kwetis kag nag-ulamid sa iban pa nga nga katupad nga kiosko kag nagresulta sa makatalagam nga sunod kag nalakip pa ang salakyan nga multicab sang ila ka anay punong barangay.
Naghatag sang maathag nga leksyon ang mapait nga hit a bump sang nagliligad nga tuig. Angay nga bag-uhon ang mga patakaran para sa kaayuhan sang tanan.
Mas maayo nga mangin hugot ang syudad sa iya patakaran, wala sang pinilian, wala sang ipasulabi kag wala sang paboran.
Masakit man batyagon nga may negosyo nga apektado apang mas dapat dumdumon ang kaayuhan sang kadamuan.
Pinasahi kag una nga higayon nga nagtawhay ang mga sulod kag gwa sang mga plaza kag mga dalan nga nagapalibot diri.
Kabay nga magapabilin nga manaya-naya ang mga plaza.
[/av_textblock]
[/av_one_full]
