[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ LABAY MAN AKON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY RUNJI ROCIO JAMOLO
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NAGAKATINGALA ang iban nga may journalists nga indi gale communication o journalism graduate apang sampaton nga peryodista.
Ang qualification standards (QS) nga ginapangayo para sa trabaho sa radyo, television o online nagapangayo gid sang journalism, broadcasting o communication bilang ila academic preparation.
Apang may mga nakilala ako nga engineering, accountancy, education, nursing, natural science program graduates nga wala nagkuha sang journalism course o program sang college sila apang nangin respected journalists karon.
Ina bangud nangin campus journalists sila.
Nadumduman ko pa sadto, may TV station nga nagapangita sang newswriter. Ginhatag ko ang akon application letter nga may pagsalig nga ako ang kuhaon kay bag-o lang ako sadto maka-graduate sa akon Mass Communication program. Apang nalugaw-an ako kay ang ginkuha isa ka undergrad.
Indi lang siya basta undergrad. Siya ang ginkuha bangud sang iya pagkasagad. Experience. College editor siya sang ila school paper. Seguro para sa management sang nasambit nga telebisyon station mas mahapos maka-deliver ang undergrad nga campus journalist sang sa fresh graduate sang kon ano nga communication program nga kulang pa sang experience news gathering kag news writing.
May kaupod (fellow) kami sa Graciano Lopez Jaena Community Journalism Seminar Workshop nga bag-o lang nag-graduate sa iya science program. Graduado sa Philippine Science High School. Campus journalist. Pagkatapos sa kolehiyo, napilitan siya sang iya tiyo nga magsulat sa ila community paper sa Baguio. Siya ang labing bataon sa sobra 25 ka Graciano fellow nga naghanas sa Pagsanjan, Laguna. Sagad. Siya ang amon class valedictorian. Si Frank Cimatu.
Madamo pa gid nga kasubong nila ang puede ko mahatag nga ehemplo.
May iban man nga nakalibre sang ila pagtuon sa kolehiyo bangud sa trabaho sa college paper.
Malig-on na ang pundasyon sang campus journalism karon nga kasuguan na ang Akta Republika 7079. Ginakilala sang kasuguan ang pagkahilway sang pagpahayag.
Pila ka administrasyon na sa mga eskuelahan ang naislan bangud sa mahugod nga pagbantay sang mga campus journalist. Nabantayan man ang mga isyu kontra sa pagpataas sang tuition fees kag iban pa.
Dako man ang dapat pasalamatan sa Department of Education. Sa ila limitado nga resources nagabayan man nila ang mga bumulutho sa pagpahayag sa pila ka dekada na karon.
Sa mas lamharon nga edad, nahanas na ang mga bata sa pagsulat kag bisan sa pagwaragwag. May paindis-indis sa pagsulat sang balita, pag-deliver sang balita sa radyo, pati na ang pag-present sang balita sa telebisyon.
Bahin na ini sa mga activities sang mga buluthuan…despues ang paindis-indis sa schools division level tubtub nga maglutaw ang regional winners nga amo ang magasambuwa sa national level.
Sa pagbanta ko, mabudlayan ang iban nga rehiyon sa paglutos sang mga tiglawas sang Kabisay-an Nakatungdan sa national competition.
Tuman ka gamay ang deperensyahanay sang kada team gikan sa nagkalainlain nga division. Nahatagan ako sang kahigayunan nga maghukum, labi na ang sa pag-broadcast. Ginhandaan ang mga produksyon nga ginpahayag “live” ang newscasts, infomercials kag pasayud nga ginsulat mismo sang mga estudyante sa pag-gabay sang ila mga advisers.
Salamat sa mga manunudlo. Salamat sa mga ginhikanan. Buhi ang spirit sang campus journalism kon ang kabataan husto nga nagabayan. (runjirjamolo@gmail.com/PN)
[/av_textblock]
[/av_one_full]
